Qazaqstan • 16 Mamyr, 2022

Aqtaý teńiz portynda konteınerlik hab qurylady

36 ret kórsetildi

Transkaspıı halyqaralyq kólik marshrýty boıynsha júk tasymalyn damytý maqsatynda «Aqtaý teńiz porty» arnaıy ekonomıkalyq aımaǵy bazasynda konteınerlik hab qurylady, dep habarlaıdy Egemen.kz.

Jobanyń ınvestorlary retinde PSA Group, Maersk, MSC syndy álemdik konteınerlik operatorlardy tartý kózdelip otyr.

Búginge deıin arnaıy ekonomıkalyq aımaqta 18 joba júzege asyryldy. Sondaı-aq taǵy 25 joba iske asyrylý kezeńinde. Jalpy alǵanda ekonomıkalyq aımaqtaǵy qolǵa alynǵan jumystardyń basym baǵyty munaı óndirý men munaı-hımııa ónerkásibi, qurylys, port jáne týrıstik salalardy damytýǵa arnalǵan.

Arnaıy ekonomıkalyq aımaq qurylǵaly beri 1 720 turaqty jumys orny ashylǵan. 19 jyldan beri AEA aýmaǵyndaǵy iske asyrylǵan jobalarǵa ınvestorlar tarapynan 260,7 mlrd teńge salynǵan. Al sheteldik ınvestısııa kólemi 168 mlrd teńgeni quraıdy.

Aıta keterligi, «Aqtaý teńiz porty» AEA-da jobalardy júzege asyrýǵa tolyqqandy jaǵdaı jasalǵan. Aımaqqa qajetti ınfraqurylym júrgizilip, salyqtyq jáne kedendik preferensııalar usynylǵan. Sondaı-aq jobalardy súıemeldeý men olardyń monıtorıngi iske asyrylady.

Sonymen qatar ekonomıkalyq aımaqta birqatar mańyzdy strategııalyq joba júzege asyrylady. Olardyń qatarynda úlken dıametrli bolat qubyrlaryn shyǵaratyn «Arcellor Mittal Tubular Products Aktau» AQ, «premıým» sanatyndaǵy gaz germetıkalyq jalǵaýmen qubyrlardy kesetin «Kazakhstan Pipe Threaders» JShS, Aqtaý halyqaralyq teńiz saýda portyn soltústik baǵytta keńeıtetin «Aqtaý Teńiz Soltústik Termınaly» JShS sııaqty kásiporyndar men jobalardy atap ótýge bolady. Sondaı-aq aımaqtaǵy týrızm salasyn damytý maqsatynda Rixos Water World Aktau kópfýnksıonaldy qonaq úı kesheni paıdalanýǵa berilgen.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar