Baǵdarlama tıimdi ońaltý, aýrýlardyń damý qaýpin azaıtý, fızıkalyq jáne psıho-emosıonaldyq ahýaldy jaqsartý múmkindigin beredi. Bul qamkóńil balalardy qoǵamda ortaǵa beıimdeýge kóp kómegin tıgizedi.
«Qazaqstan halqyna» qoryna balalary úshin tehnıkalyq ońaltý quraldaryna, onyń ishinde ekzoskeletterge muqtaj bolyp otyrǵan ata-analardan 300-den asa ótinish kelip tústi. Baǵdarlama aıasynda jyl sońyna deıin 13 ekzoskelet shyǵarý josparlansa, onyń tórteýi boıynsha ólsheý júrgizilip, óndiris prosesi iske qosyldy.
Ekzoskeletter – bul serebraldy sal aýrýy, mı jaraqaty, julyn jaraqattary, paraplegııa, bulshyqet dıstrofııasy, Rett sındromy jáne basqa da aýrýlarmen aýyratyn balalardyń óz betinshe qozǵalýyna kómektesetin zamanaýı, joǵary tehnologııalyq jáne tıimdi ońaltý quraly. Ár balaǵa árbir ekzoskelettiń arnaıy parametrleri eskerilip, jeke ázirlenedi. Bul eń birinshi qoldanýǵa qolaıly ári qarapaıym bolýymen erekshelenedi. Bir ekzoskelettiń salmaǵy – 25 kg.
Sonymen qatar Balalardy ońaltý ulttyq ortalyǵy bazasynda naýqastyń ekzoskeletiniń qajettiligi týraly qorytyndy shyǵaratyn kóp beıindi top qurylǵanyn aıta ketken jón.
Qor «Qazaqstannyń 100 jańa tulǵasy» jobasynyń jeńimpazy Máýlen Bekturǵanov negizin qalaǵan ekzoskeletterdi shyǵaratyn otandyq «MBionics» JShS-men kelisimshartqa otyrdy. Ońaltý jospary mekemeleriniń jumys úlgilerin jobalaý Astana qalasynyń Medısına ýnıversıtetimen tyǵyz baılanysta júzege asyrylady.
Jalpy, «Qazaqstan halqyna» qory 13 balany ekzoskeletpen qamtamasyz etý úshin 117 mln teńge bólip otyr.
