Teatr • 17 Mamyr, 2022

«Astana opera» – álem nazarynda

50 ret kórsetildi

Kóptegen reıtıngilik BAQ «Astana Operanyń» onynshy mereıtoılyq maýsymy týraly álemniń 40 tilinde jańalyq taratty. Qazaqstan ónerindegi osynaý mańyzdy oqıǵany AQSh, Kanada, Japonııa, Qytaı, Koreıa, Italııa, Ispanııa, Úndistan, Germanııa, Aýstralııa, Brazılııa jáne basqa da elderdiń buqaralyq aqparat quraldary qyzý talqylady.

Iri halyqaralyq aqparat agent­tigi Assoshıeıted Press: «Qa­zaqstandyq «Astana Ope­ra» alǵashqylardyń biri bolyp 2022-2023 jyldardaǵy maý­sym­nyń bastalýy týraly málimdedi. Saltanatty ashylýy 9 qyrkúıekke josparlanǵan, kópshilikke álemdik juldyz­dar­dyń qatysýymen Gala-ope­ra usynylady. Dırıjer tu­ǵy­rynda – ataqty maestro, «As­tana Ope­ranyń» bas dırıjeri Alan Bóribaev», dep habarlady.

Aıta keteıik, byltyr maý­sym­nyń ashylýyn jarııala­ǵan teatrlar arasynda mılandyq La Skala kóshbasshy bolǵan edi.

Japonııanyń 88 mıllıon aýdıtorııasy bar tanymal CNET jańalyqtar saıty teatr dırektory Ǵalym Ahmedıarovtyń pikirinen dáıeksóz keltirip: «Ga­la-opera koreıdiń belgili ope­ra ánshisi, «Gremmı» syıly­ǵy­nyń laýreaty Sýmı Chonyń qaty­sýymen ótedi, sondaı-aq ujym birqatar aıtýly premeralar usynady. Biz kópshiliktiń nazaryna S.Prokofevtiń mýzykasyna nemis horeografy Raı­mondo Rebektiń «Kúlshe qyz» baletiniń jańa zamanaýı qoıylymyn daıyndadyq. Sond­aı-aq maýsymnyń basyn­da Balnur Qydyrbektiń «Qalqaman – Mamyr» ulttyq operasynyń premerasy kútilýde. Budan bólek, repertýardy jýyrda ǵana tolyqtyrǵan keremet balet Irjı Kılıannyń «Alty bıi» afıshanyń sánin keltiredi. Barlyq spektaklder joǵary deńgeıde usynylǵan jáne Qa­zaq­­standa suranysqa ıe», deıdi.

«Astana Operanyń» aıtýly jetistikterin India Today úndi jýrnaly da atap ótti: «Teatrda túrli baǵyt boıynsha belsendi jumys júrgizilýde: teatrdyń Qamqorshylyq keńe­siniń qoldaýymen Astana Opera Halyqaralyq opera akademııasy quryldy. Akademııa qazaq­standyq teatrlar úshin ǵana emes, shetel teatrlary úshin de jas mamandar daıarlaýda. Son­daı-aq «Astana Operada» balalar teatr stýdııasy jumys isteıdi, ol hor jáne balet sekil­di eki bólimdi, sondaı-aq teatr­lyq qolónerdi úıretetin stýdııany qamtıdy. Kameralyq zal­da birneshe jyl buryn ope­ra-býffa jaýharlary shyr­qalatyn Piccolo teatry pers­pektıvalyq jobasy iske qo­syl­dy. Balet trýppasynyń kórkem­dik jetekshisi Alty­naı Asylmuratova repertýardy R.Petıdiń «Parıj Qu­daı ana­synyń sobory», K.Mak­mıl­­lannyń «Manon» sekildi bas­qa da áıgili spektakldermen tolyqtyrdy».

Al Europa Press ıspan gaze­tiniń jýrnalısteri «Astana Operadaǵy» árbir oqıǵa – bul teatr jylnamasyndaǵy derbes jarqyn paraqtar ekenin aıtty. «Sonyń biri aýqymdy gastrol – bes memleket: AQSh, Kanada, Fransııa, Belgııa, Nıderlandqa álemdik týrne. Trýppa bir emes, birneshe ret Italııa, Ispanııa, Qytaı, Oman­ǵa jáne basqa da elderge gastrolmen baryp, óner kórsetti. Teatr Qazaqstandaǵy «EKSPO-2017» Halyqaralyq kórmesinde tanystyrǵan qoıy­lymdar kópshiliktiń esinde qal­dy, kórme aıasynda «Astana Ope­rada» Plasıdo Domıngonyń «Ope­ralııa» HHV Halyqara­lyq vokalıster baıqaýy ótken bo­latyn. 1 200 mýzykanttyń oryn­­­­daýyndaǵy Malerdiń №8 sım­­­fonııasynyń qazaqstandyq premerasy jurtshylyqqa erekshe áser syılady. Atal­ǵan konserttiń jazbasy bıyl «Mes­so» telearnasynda kór­set­il­di», deıdi ıspan gazeti.

Barlyq sheteldik BAQ «As­­tana Operany» týrıster­ge, sondaı-aq álemdik ynty­maq­tastyqqa ashyq el Qazaq­standa osy jyldary oryn alǵan asa iri jaǵymdy ózgeristerdi kórsetetin ári jańa elorda degen­de birden oıǵa oralatyn jahandyq jobaǵa teńegenin atap ótken jón.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar