Osy jarys qarsańynda IJF mamandarynyń qatysýymen tóreshilerge arnalǵan halyqaralyq semınar ótkenin de aıta ketken abzal. Oǵan Halyqaralyq dzıýdo federasııasynyń (IJF) sport dırektory Danıel Laskaý, dańqty balýan, Olımpıadanyń kúmis júldegeri Armen Bagdasarov, IJF tóreshiler komıssııasynyń hatshysy Hıýrlııa Paskýale jáne Qazaqstan dzıýdo federasııasy prezıdentiniń mindetin atqarýshy Ashat Jitkeev jetekshilik etti. Atalǵan sharaǵa Qazaqstan, О́zbekstan, Qyrǵyzstan, Japonııa, Gonkong, Kýveıt, Iran, Saýd Arabııasy, Germanııa, AQSh, Italııa, Ázerbaıjan, Túrikmenstan, Mońǵolııa jáne Taıpeıden 70 tóreshi qatysty.
Jarystyń ózine keler bolsaq, bul jarysta ózbekstandyq balýandar ózderiniń myqtylyǵyn túbegeıli moıyndatty. Ásirese, jastar arasynda sarapqa salynǵan bas júldeniń jetýin de solar ıemdendi. Eń ókinishtisi, fınalda ózbek pen qazaq balýandary bes márte kezdesti. Sol básekelerdiń barlyǵynda da kórshilerimiz jeńiske jetti. Atap aıtsaq, Qojıaqpar Toshev (73 kılo) Beknur Táńirbergendi tize búktirdi. Meıirlan Maksım (81 kılo) Shahzod Sháripovti «vazarı» ádisimen utyp jatyp, ózi «ıpponǵa» túsip qaldy. Tolqynbek Turdıev (90 kılo) pen Muhammedáli Mavlıdov arasyndaǵy tartystyń taǵdyryn «shıdo» sheshti. Úsh eskertý alǵan jerlesimiz básekeni merziminen buryn aıaqtady. Muhammadqadyr Mansurovqa (100 kılo) Damır Ahetti jeńý úshin nebári 22 sekýnd jetkilikti boldy. Islombek Ravshanqulov (+100 kılo) pen Qaıratbek Sábıttiń de aıqasy uzaqqa sozylmady. Básekeniń bastalǵanyna bir mınýttan sál asqanda Islambek Sábıttiń aıaǵyn kókten keltirdi.
Búgingi tańda jastar býyny arasynda baq synap júrgen jigitterimizdiń barlyǵy da erteńgi kúni eresekter dýyna qosylyp, asa iri halyqaralyq jarystarda el namysyn qorǵaıdy. О́kinishke qaraı, Almatydaǵy jarys olardyń áli de «shıki» ekendikterin baıqatty. О́z elimizde, óz jerimizde, óz jankúıerlerimizdiń kóz aldynda tegisteı utylsaq, shet memleketterde ótetin dúbirli dodalarda daralana almaıtynymyz aıdan anyq. Tipti kúrestiń bul túrinen kúresinde qalyp qoıýymyz da ábden múmkin. Qazirgi qarqyn, búgingi ekpinmen uzaqqa bara almaımyz. Sondyqtan da bul jaǵdaı respýblıkalyq federasııanyń tizginin ustaǵan azamattar men elimizdiń bilikti bapkerlerine oı salýǵa tıis. Olar osy sátsizdikten sabaq alyp, kemshilikti túzep, olqylyqtyń ornyn toltyrý úshin dereý iske kirisýleri kerek.
Jigitterge qaraǵanda qyzdarymyz táýir kúresti. Olar bas júldeniń tórteýine ıelik etti. Eki fınal óz balýandarymyzdyń arasynda ótti. 52 kılo salmaqta Arýjan Erejepova Balnur Ábdeshovamen sheberlik baıqasty. Bul tartys alǵashqysynyń paıdasyna sheshildi. 63 kılo salmaqta Esmıgúl Kýıýlova men Gúlnur Bahanova beldesti. Bul básekede Esmıgúldiń basymdyǵy esh kúmán týǵyzǵan joq. Ol 1 mınýttan sál asqanda qarsylasyn taza jeńdi.
70 kılo salmaqtaǵy Roza Nysantaıqyzy men Shahlo Egamberganova arasyndaǵy kezdesýde ózbek dzıýdoshysy qatarynan úsh eskertý alyp, jarys jolynan shyǵyp qaldy. Asa aýyr salmaqtaǵy aıqas Aıda Toıshybekovanyń aıqyn jeńisimen aıaqtaldy. Ol Tashkenttiń tól týmasy Fatıma Quramboevany alyp uryp, qos jaýyrynymen jerge qadady. Bul báseke bar-joǵy 15 sekýndqa sozyldy. Sondaı-aq ózbekstandyq Fatımahon Tursynboeva (48 kılo) men Shyrynjon Iýldasheva (78 kılo) jáne túrikmenstandyq Maısa Pardaeva (57 kılo) jeńis tuǵyrynyń eń bıik satysyna kóterildi.
Jasóspirimder arasyndaǵy jarystyń da nátıjesine kóńilimiz toldy dep aıta almaımyz. Qyzdardyń saıysynda Lázıza Haıdarova (40 kılo), Úmithon Býrhanjonova (44 kılo), Sevınch Mýrodova (48 kılo), Sýgdıona Rafkatova (52 kılo), Áselhan Aralbaeva (57 kılo), Láıláhon Iýldasheva (63 kılo), Týıgúl Hameroeva (70 kılo) jáne Sevınısh Turaqulova (+70 kılo) altynnan alqa taqty. Bul sportshylardyń barlyǵy da – О́zbekstannan. Bizge de, basqalarǵa da birde-bir bas júlde buıyrmady.
Uldardyń básekesinde jerlesterimiz úsh ret dara shyqty. Bul joly Bekbolsyn Jolymbek (55 kılo), Nurlybek Arǵynbek (66 kılo) jáne Egor Rakov (81 kılo) jergilikti jankúıerlerdi bir jelpintip tastady. Ásirese, biz Egordyń tabysyna erekshe shattandyq. О́ıtkeni Rakovtardyń otbasyn Qazaqstan jurty jaqsy biledi. Otaǵasy – Sergeı Kapıtonovıch kezinde KSRO halyqtary spartakıadasy men KSRO chempıonatynda atoı salǵan. Keıinnen bapkerlikke bet burdy. Uly – Maksım álem jáne qurlyq chempıony, álem chempıonatynyń kúmis júldegeri, Azııa oıyndarynyń úsh dúrkin júldegeri. Sergeıdiń taǵy eki perzenti jattyqtyrýshylyq qyzmette. Fınalda úıdiń kenjesi – Egor Rakov óziniń komandalyq áriptesi, Qaraǵandy dzıýdo mektebiniń taǵy bir túlegi Asqar Birjanovtan basym tústi.
Sondaı-aq Beket Mahmutovty eske alýǵa arnalǵan týrnırde túrikmenstandyq Mekan Ramazanov (50 kılo), ózbekstandyq Farrýh Hamdamov (60 kılo), Samarıddın Muhsımıddıonov (73 kılo), Farrýh Madaratov (90 kılo) jáne qyrǵyzstandyq Emirhan Joldashqazıev (+90 kılo) jeńimpaz atandy.
