Kollajdy jasaǵan Qonysbaı ShEJIMBAI, «EQ»
Al hakim Abaı osy uǵymdy Jetinshi qara sózinde bylaı tarqatady: «Tánnen jan artyq edi, tándi janǵa bas urǵyzsa kerek edi. Joq, biz olaı qylmadyq, uzaqtaı shýlap, qarǵadaı barqyldap, aýyldaǵy boqtyqtan uzamadyq. Jan bizdi jas kúnimizden bılep júr eken. Er jetken soń, kúsh engen soń oǵan bıletpedik. Jandy tánge bas urǵyzdyq, eshnársege kóńilmenen qaramadyq, kózben de jaqsy qaramadyq, kóńil aıtyp tursa, senbedik. Kózben kórgen nárseniń de syrtyn kórgenge-aq toıdyq».
Lajy bolsa, sanany turmys bılemese kerek-ti. Ár jan qońyr tirshiliktiń, ýaqyttyń qursaýynda ketpeı, óz erkindigin, óz aqylyn, óz talantyn tolyq qoldana alatyndaı ómir súrse deısiń... Degenmen, qazirgi qoǵam «sanany turmys bıleıdiniń» naq ózi bolyp otyr. Oǵan halyqtyń áleýmettik jaǵdaıy, bilimi, oı deńgeıi, tipti keıingi qymbatshylyq ta dálel. Búginde jurt tek qalaı kún kórsem dep ýaıym qylady. Alaqandaı eki-úsh bólmelik úıdi armandaıdy. Sol sebepten de, halyq teatrǵa barmaıdy, kitap satyp almaıdy, ǵylymǵa qyzyqpaıdy. Sol úshin de «jumysbasty» jurtty kinálaı almaımyz.
О́nerde de solaı. Jalpy eldiń rýhanııatyna memlekettik deńgeıde durys kóńil bólinbegen soń hám halyqtyń da qyzyǵýshylyǵy kól-kósir bolmaǵan soń aqyn-jazýshylar jazýyn kásipke aınaldyrmaıdy, ánshi-kúıshiler toıǵa shyǵyp, toıda bıleýge yńǵaıly án jazdyryp aqsha tabady. Shyǵarmashyl jandardy da jazǵyra almaımyz. Jalǵyz aqtaý – «sanany turmys bıleıdi».
Solaı bola tura biz mereıtoı toılaýdan, eskertkish ashýdan, jattandy jıyndar ótkizýden, naýqanshyldyqtan jalyqpaıdy ekenbiz. Qyzyq.
