Aýa raıy • 18 Mamyr, 2022

Búgin elimizdiń basym bóliginde jańbyr jaýady

28 ret kórsetildi

Sınoptıkter 18 mamyrǵa arnalǵan aýa raıy boljamyn jasap, Qazaqstan aýmaǵynda bolatyn meteorologııalyq qubylystar týraly aıtty, dep habarlaıdy Egemen.kz.

«Jaýyn-shashynsyz aýa raıy elimizdiń tek shyǵysynda saqtalady, al terrıtorııanyń qalǵan bóliginde Soltústik-batys sıklony jáne onymen baılanysty atmosferalyq frontaldy bólikter óz áserin saqtaıdy – jańbyr, ońtústik pen soltústikte qatty jańbyr jaýady, naızaǵaı, burshaq, daýyl bolyp, jel kúsheıedi, batys pen ońtústikte shańdy daýyl soǵyp, soltústikte túnde jáne tańerteń tuman túsedi», delingen «Qazgıdromet» RMK baspasóz habarlamasynda.

Atap aıtqanda, Aqmola oblysynyń batysy, soltústigi men ońtústiginde burshaq jaýyp, kúndiz batysy men ońtústiginde jel 15-20 m/s kúsheıedi.

Kúndiz Almaty oblysynyń taýly aýdarynda, Atyraý oblysynyń batysy, shyǵysy men ortalyǵynda, Mańǵystaý oblysynyń soltústiginde, Aqtóbe oblysynyń soltústigi men ortalyǵynda, Qyzylorda oblysynyń ortalyǵynda jel 15-20 m/s kúsheıip, Mańǵystaý, Qyzylorda oblystarynda shańdy daýyl soǵady.

Túrkistan oblysynyń ońtústigi, batysy, soltústigi, taýly jáne taý bókterli aýdandarynda daýyl soǵyp, jel 15-20 m/s kúsheıedi.

Kúndiz Batys Qazaqstan oblysynyń batysy, soltústik-batysynda burshaq jaýyp, daýyl soǵady, túnde soltústigi, soltústik-batysynda, kúndiz basym bóliginde jel 15-20, kúndiz ekpini 23 m/s kúsheıedi.

Qostanaı oblysynyń túnde ońtústiginde, kúndiz batysy men ońtústik-shyǵysynda burshaq, daýyl bolyp, túnde jáne tańerteń shyǵysynda tuman túsedi, kúndiz batysy men ońtústiginde jel kúshi 15-20, ekpini 23 m/s jetedi.

Kúndiz Soltústik Qazaqstan oblysynyń ońtústigi men shyǵysynda daýyl, burshaq bolyp, batysy, ońtústigi men shyǵysynda jel 15-20 m/s jetedi.

Tańerteń jáne kúndiz Pavlodar oblysynyń batysy, soltústigi men ortalyǵynda burshaq jaýyp, jel 15-20 m/s jetedi.

Kúndiz Qaraǵandy oblysynyń soltústigi, ońtústigi men ortalyǵynda burshaq jaýyp, batysy men ortalyǵynda jel kúshi 15-20 m/s jetedi.

Jambyl oblysynyń ońtústigi, soltústigi men taýly aýdandarynda burshaq jaýyp, daýyl soǵyp, ońtústik-batysy, soltústik-shyǵysy men taýly aýdandarynda jel kúshi 15-20, kúndiz ekpini 23-28 m/s jetedi.

Shyǵys Qazaqstan oblysynyń Jarma aýdanynda, Pavlodar oblysynyń ortalyǵynda tótenshe órt qaýipi saqtalady.

Sońǵy jańalyqtar

Dollar arzandady

Qarjy • Keshe

Uqsas jańalyqtar