Qazaqstan • 18 Mamyr, 2022

BATYR BEINESI kolleksııalyq monetalary aınalymǵa shyǵady

40 ret kórsetildi

Búgin Qazaqstan Ulttyq banki Street art. BATYR BEINESI kolleksııalyq monetalaryn aınalymǵa shyǵarady, dep habarlaıdy Egemen.kz QUB baspasóz qyzmetine silteme jasap.

Monetalardyń satylymǵa shyǵatyn kúnine qatysty qosymsha aqparat banktiń resmı saıtynda jarııalanady.

Street art. BATYR BEINESI kolleksııalyq monetalary daryndy kompozıtor jáne ánshi Batyrhan Shúkenovtiń 60 jyldyǵyna oraı shyǵarylady.

Nomınaly 500 teńgelik kúmisten jasalǵan Street art. BATYR BEINESI kolleksııalyq monetalary «Qazaqstandy monetalar arqyly tany» atty jańa serııany ashady.

Street art. BATYR BEINESI jańa monetasy zamanaýı óner men Batyrhan Shúkenovti máńgi este qaldyrý sekildi birden eki maǵynalyq jelini biriktiredi. Bul – Qazaqstan Ulttyq bankiniń strıt-art sııaqty qazirgi zamanǵy jastar ónerin qoldaýǵa arnalǵan alǵashqy kollaborasııalyq moneta jobasy.

Monetanyń dızaınynda Qazaqstan strıt-artynyń eń jarqyn jumystarynyń biri — REPAS komandasynyń «Batyr beınesi» graffıtıi beınelengen. Avtorlardyń bastamasy boıynsha ony monetanyń dızaınynda paıdalaný quqyǵy Ulttyq bankke óteýsiz negizde berildi.

Monetalar proof sapamen kúmisten jasalǵan, synamasy – 925/1000, salmaǵy – 31,1 gramm, dıametri – 38,61 mm, nomınaly – 500 teńgelik, taralymy – 5 000 dana. Kolleksııalyq monetalar naqty qunyna saı Qazaqstannyń búkil aýmaǵynda tólemderdiń barlyq túri boıynsha qabyldaýǵa, sondaı-aq Qazaqstan Respýblıkasynyń bank shottarynda aýdarýǵa, usaqtaýǵa jáne aıyrbastaýǵa jatady.

Kúmisten jasalǵan monetalar kádesyı oramynda memlekettik, orys jáne aǵylshyn tilderinde QUB-tyń nómirlik sapa sertıfıkatymen shyǵarylady. Kolleksııalyq monetalar Qazaqstan teńge saraıynda daıyndalǵan.

Sońǵy jańalyqtar

Dollar arzandady

Qarjy • Keshe

Uqsas jańalyqtar