Medısına • 18 Mamyr, 2022

Bıyl shaǵyn aýyldarǵa medısınalyq qyzmetker jiberiledi

38 ret kórsetildi

Bıyl 50 adamǵa deıin turǵyny bar aýyldar medısınalyq qyzmetkermen qamtamasyz etiledi. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy Egemen.kz.



«Densaýlyq saqtaý júıesindegi negizgi býyn - medısınalyq-sanıtarııalyq alǵashqy kómek. Bul halyqqa kórsetiletin barlyq medısınalyq kómekti úılestirýge arnalǵan qyzmet kórsetetin medısınalyq uıymdar. Dúnıejúzilik densaýlyq saqtaý uıymynyń keńesi boıynsha barlyq halyq alatyn medısınalyq qyzmettiń 80 paıyzy osy MSAK kórsetetin uıymdardan alynýy qajet.

Koronavırýs ınfeksııasynyń pandemııasy osy medısınalyq-sanıtarııalyq alǵashqy kómek uıymyndaǵy álsiz jáne problemalyq jerlerdi aıqyndap berdi. Memleket basshysynyń tapsyrmasy boıynsha medısınalyq alǵashqy kómekti uıymdastyrý tásilderin túbegeıli qaıta qaraý úshin medısınalyq-sanıtarııalyq alǵashqy kómektiń sapasyn jáne halyqtyń qalyń tobynyń, onyń ishinde aýyldyq jerlerde turatyn adamdarǵa qoljetimdiligin jaqsartý jónindegi is-sharalar jospary bekitildi. Júıeli jumystar bastalyp ketti», dedi mınıstr Ortalyq kommýnıkasııalar qyzmetinde ótip jatqan baspasóz máslıhatynda.

Elimizdiń bas dárigeriniń atap ótýinshe, densaýlyq saqtaý uıymdary jelisiniń memlekettik normatıvin jetildirý boıynsha is-sharalar júrgiziledi. Onyń ishinde, 50 adamǵa deıin turǵyny bar aýyldy medısınalyq qyzmetkermen qamtamasyz etý josparlanyp otyr. Ol bıyldan bastap júzege asyrylady.

«Sonymen qatar aýyldyq eldi mekenderde: 50 adamnan 500 adamǵa deıin medısınalyq pýnktter; 500 adamnan 1500 adamǵa deıin feldsherli-akýsherlik pýnktter; 1500 adamnan bastap dárigerlik ambýlatorııany qurý qarastyrylǵan», dedi Ajar Ǵınııat.

Sońǵy jańalyqtar

Dollar arzandady

Qarjy • Keshe

Uqsas jańalyqtar