Kásipkerler ózekti máselelerdi qozǵady

Jıynda sóz alǵan ulttyq palata basshysy Jetisý óńiri aýyl sharýashylyǵy men týrızm salasy boıynsha joǵary áleýetke ıe ekenin atap ótti. Ol «Atameken» palatasynyń qyz­metin transformasııalaý jáne eldegi kásipkerlikti damytý sheń­berindegi jańa tásilder týraly da aıtty. Búginde biryńǵaı saıa­satty qalyptastyrý úshin bıznes pen memlekettiń ózara is-qımylyn kúsheıtý qajettigine nazar aýdardy.

– «Atameken» jáne memleket arasynda biryńǵaı túsinikti apparaty, salalardy damytýǵa biryńǵaı tásilder bolýy kerek dep sanaımyn. Sondyqtan eko­nomıka salalary arasynda teńestirilgen jáne mindetti ne­gizgi kórsetkishter negizinde mem­lekettik josparlaý júıesi qajet, – dep atap ótti Raıymbek Batalov.

Jıynda týrızm ındýstrııa­syna qarjy salyp otyrǵan kásipkerler Almaty oblysy men Almaty qalasynyń týrızmin damytý boıynsha ózara is-qımyl men ke­lisimniń mańyzyna nazar aýdar­dy. Al Almaty oblysy ákiminiń orynbasary Jeńis Tuıaqov eki óńir arasynda týrızm­di damytý boıynsha jasalǵan kelisimder men birlesken qyz­mettiń negizgi baǵyttary týraly aqparat berdi. Túıtkildi másele­lerdi talqylaý barysynda ST-KZ sertıfıkatyn berýge qatysty sóz qozǵaldy.

– Qazirgi kezde kásipkerler shyǵarylǵan ónim úshin túrli ser­tıfıkattardy alýǵa májbúr. Olar­dy alý arzan emes, nátı­je­sinde bul shyǵyndar taýardyń ózindik qunyna áser etedi. Son­dyqtan sertıfıkattardy berý erejelerin qaıta qarap, olardy paıdalaný múmkindigin keńeıtý kerek. Osylaısha sertı­fıkattardy bızneske qol­jetimdi etý qajet. Bul barlyq kásipkerge ortaq júıeli másele, – dedi «QAZAQ-PAK» JShS kompanııasynyń tóraıymy Ajar Súleımenova.

Bıznesmender sondaı-aq sýarý jelilerin salý jáne kútip ustaý, otandyq óndirýshilerdi qol­daý problemalaryn atap ótti. Sondaı-aq UKP jáne oblys ákim­diginiń basshylyǵynan sha­ǵyn jáne orta bıznesti qol­daý jónindegi memlekettik is-sha­ra­lardyń júzege asyrylýyn ba­qylaýǵa alýdy jáne eko­­no­mıkalyq jaǵdaıǵa baı­la­nys­ty bıznesti tekserýge mo­ratorııdi taǵy úsh jylǵa uzar­tý múmkindigin qarastyrýdy su­rady. Tóraǵanyń tapsyrmasy bo­ıynsha, barlyq júıeli másele men usynystar ortalyq jáne jergilikti memlekettik organdarmen talqylaý jáne sheshý úshin Ulttyq palatanyń ortalyq jáne óńirlik apparatymen pysyqtaýǵa alyndy.

Budan bólek kásipkerler Al­maty oblysynyń bólinýi jáne óńirlik kásipkerler palatasyn Jetisý jáne Almaty oblystaryna bólýge qatysty saýal qoıdy.

– Jańadan qurylatyn oblystarda jańa óńirlik fılıal­dardy qurý máselesi sezdiń aıryqsha quzyretinde. Osyǵan baılanysty másele UKP sezin ótkizý barysynda talqylanyp, sheshiletin bolady. Sezge deıin óńirlik palatalar qoldanystaǵy formatta jumys isteıdi, – dep jaýap berdi «Atameken» ulttyq kásipkerler palatasy basqarma tóraǵasynyń birinshi orynbasary Maqsat Qıqymov.

Almaty oblysy