Degenmen áleýmettik jelide taralǵan vıdeolarda zaýyt syrtyna shyqqan jaýyngerlerdiń asaı-múseıin asynyp shyǵyp jatqany, tekserýden ótkennen keıin avtobýstarǵa otyryp jatqany kórsetilgen. Halyqaralyq Qyzyl Krest uıymy sarbazdardy tirkep jatqanyn málimdedi.
Ýkraına tarapy aldaǵy ýaqytta «Azovstaldan» shyqqan sarbazdar tutqynǵa túsken Reseı jaýyngerlerine almastyrylatynyn habarlady. Degenmen Kreml bıligi zaýytty qorǵaǵan jaýyngerlerdi «sodyrlarǵa» balap otyr.
«Sońǵy táýlikte Marıýpoldegi «Azovstal» metallýrgııalyq zaýytyna bekingen «Azov» ultshyldarynyń 771 sodyry tutqynǵa tústi. 16 mamyrdan beri 1 730 sodyr berildi, sonyń ishinde 80-i jaralanǵan. Stasıonarlyq emdeýdi qajet etetinderine Donesk Halyq Respýblıkasynyń (moıyndalmaǵan – avt.)Novoazovsk jáne Donesk qalalaryndaǵy emdeý mekemelerinde kómek kórsetiledi», delingen Reseı Qorǵanys mınıstrliginiń Telegram kanalynda.
Ýkraına prezıdenti Volodımır Zelenskıı Marıýpoldegi evakýasııalaýǵa qatysty túsinikteme berdi. Onyń aıtýynsha, qutqarý operasııasyna halyqaralyq uıymdar kómektesip jatyr.
«Ýkraına áskerıleriniń – Ýkraına Qarýly kúshteriniń, barlaý qyzmetiniń, sondaı-aq kelissózder tobynyń, Halyqaralyq Qyzyl Krest komıtetiniń jáne BUU-nyń áreketteriniń arqasynda jaýyngerlerimizdiń ómirin saqtap qala alamyz dep úmittenemin. Ýkraınaǵa batyrlarymyz tirideı qajet ekenin atap ótkim keledi. Bul – bizdiń ustanymymyz», dedi V.Zelenskıı.
Qysqasy, «Azovstalden» shyqqan jaýyngerlerdiń taǵdyry qalaı bolatyny ázirge túsiniksiz. Reseı dýmasynyń keıbir depýtaty olardy terrorıst retinde jaýapqa tartý kerek ekenin, aıyrbas jasaýǵa bolmaıtynyn aıtqan-dy. Áıtse de, sarapshylar Máskeýdiń mundaı rıtorıkasy ishki aýdıtorııaǵa arnalǵanyn alǵa tartady. Iаǵnı, Ýkraına men Reseı aldaǵy ýaqytta tutqynǵa túskenderdi almastyrýy ábden múmkin.
О́z kezeginde Ulybrıtanııa barlaý qyzmeti Reseıde joǵary shendi ofıserler maıdandaǵy sátsizdikterge baılanysty jumystan bosatylyp, ornynan alynǵanyn habarlady. Barlaý qyzmetiniń málimetine súıensek, general-leıtenant Sergeı Kısel Harkov túbindegi sátsizdigine baılanysty bosatylǵan. Vıse-admıral Igor Osıpov «Moskva» kreıseriniń sýǵa batyp ketýine baılanysty qyzmetinen shettetilgen kórinedi. Reseı tarapy buǵan qatysty eshqandaı pikir bildirgen joq.
Amerıkalyq Politico basylymynyń habarlaýynsha, Kıev bıligi AQSh prezıdenti Djo Baıden ákimshiliginiń Ýkraınaǵa alys qashyqtyqqa dúrkirete ata alatyn qarýlar berýden bas tartqanyna renjýli eken.
Atap aıtqanda, Kıev atys qashyqtyǵy 300 shaqyrymǵa deıin jetetin amerıkalyq HIMARS júıelerin berýdi suraǵan. Qazirgi tańda Ýkraınada dúrkirete snarıad jaýdyratyn keńestik birneshe júıe bar. Biraq olardyń tıimdiligi áldeqaıda tómen.
Ýkraına tarapy ásirese Donbastaǵy qaqtyǵysqa mundaı júıeler qajet dep esepteıdi. О́ıtkeni HIMARS-tyń atys jyldamdyǵy jáne joıqyn kúshi reseılik aýyr artıllerııadan asyp túsedi. Sondyqtan soǵys taǵdyryn sheshýge kómektesedi.
Basylymǵa pikir bildirgen sarapshylar Aq úıdiń mundaı qarý berýge asyqpaýynda mán baryn aıtady. Aq úı Ýkraına jaýyngerleri alystaǵy nysandy joıatyn aýyr artıllerııalar arqyly Reseı aýmaǵyn atqylaýy múmkin dep esepteıdi. Mundaı jaǵdaıda soǵys kúrt órship ketýi múmkin.
Birikken Ulttar Uıymynyń ókilderi Ýkraınadaǵy soǵys saldarynan eldegi astyq eksporty qıyndaǵanyna baılanysty azyq-túlik daǵdarysy qaýpi tónip turǵanyn málimdedi. Kúni keshege deıin álemdegi astyqtyń 10 paıyzǵa jýyǵyn Ýkraına qamtamasyz etip keldi. Biraq soǵys bastalǵaly Reseı Qara teńizdegi Ýkraına porttaryn qorshaýǵa aldy. Sonyń saldarynan júzdegen myń tonna astyq mejeli jerine jetken joq.
