Parlament • 21 Mamyr, 2022

Senat Spıkeri Qytaıdyń Halyqtyq saıası konsýltatıvtik keńesi Búkilqytaılyq komıtetiniń Tóraǵasymen kezdesti

21 ret kórsetildi

Qazaqstan Respýblıkasy Parlamenti Senatynyń Tóraǵasy Máýlen Áshimbaev Qytaıdyń Halyqtyq saıası konsýltatıvtik keńesi Búkilqytaılyq komıtetiniń Tóraǵasy Van Iаnmen kezdesti, dep habarlaıdy Egemen.kz Palatanyń baspasóz qyzmetine silteme jasap.

Senat Spıkeri Qazaqstan Qytaımen yntymaqtastyqty damytýǵa jáne túrli baǵyttaǵy ózara is-qımyldyń joǵary deńgeıin ári qaraı ilgeriletýge erekshe mán beretinin atap ótti. Sondaı-aq Máýlen Áshimbaev el Prezıdenti Qasym-Jomart Toqaevtyń 2019 jyly Qytaıǵa jasaǵan saparyna nazar aýdardy. Ol óz sózinde sol sapar kezinde memleket basshylary Qazaqstan men Qytaı máńgilik, strategııalyq jáne jan-jaqty seriktestikti damytýǵa beıildi ekenin rastaıtyn Birlesken málimdemege qol qoıǵanyn aıtty.

«Bizdiń elderimizdiń memleket basshylary qol jetkizgen ýaǵdalastyqtardy iske asyrý barysynda Qazaqstan Parlamentiniń Senaty men Qytaıdyń Halyqtyq saıası konsýltatıvtik keńesi arasyndaǵy yntymaqtastyqtyń mańyzy zor. Bul bizdiń aldaǵy ózara is-qımylymyzdyń negizi bolýǵa tıis. Biz ekijaqty ózara tıimdi yntymaqtastyqtyń túrli baǵyttary boıynsha birlesken jumysqa daıynbyz», dedi Máýlen Áshimbaev.

Sonymen qatar ol Parlament Senaty qytaılyq áriptesterimen ekijaqty sheshimderdi saraptamalyq turǵydan qoldaý, zańdardyń oryndalýyn baqylaý, sondaı-aq, qoǵamdyq kelisimdi nyǵaıtý jáne dinaralyq dıalogty ilgeriletý salasynda tájirıbe almasýǵa daıyn ekenin tilge tıek etti.

Senat Tóraǵasy Memleket basshysynyń bastamasymen Qazaqstanda júrgizilip jatqan saıası reformalarǵa da toqtalyp ótti. Atap aıtqanda, kezdesýde Konstıtýsııaǵa ózgerister men tolyqtyrýlar engizý jónindegi aldaǵy respýblıkalyq referendým jáne oǵan daıyndyq barysy týraly sóz boldy.

О́z kezeginde, Qytaıdyń Halyqtyq saıası konsýltatıvtik keńesi Búkilqytaılyq komıtetiniń tóraǵasy Van Iаn Qazaqstanda júrgizilip jatqan reformalar jóninde oń pikirin bildirdi. Sondaı-aq Qytaı túrli saladaǵy dostyq pen tatý kórshilik qaǵıdattary negizinde bizdiń elmen jan-jaqty ózara tıimdi yntymaqtastyqty jalǵastyrýǵa daıyn ekenin jetkizdi.

Kezdesý sońynda Máýlen Áshimbaev Van Iаnǵa mazmundy dıalog úshin alǵys bildirip, ekijaqty yntymaqtastyqtyń odan ári keńeıe beretinine senim bildirdi.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar