Qoǵam • 21 Mamyr, 2022

Ulttyq bank ókilimin dep, elordalyqtyń 3,5 mln teńgesin qoldy etken - polısııa

59 ret kórsetildi

Nur-Sultan qalalyq Polısııa departamentiniń ókilderi elorda turǵyndaryna alaıaqtardan saq bolý jóninde eskertý jasady, dep habarlaıdy Egemen.kz.

Departamenttiń baspasóz qyzmetiniń habarlaýynsha, elorda turǵyny tarapynan «Saryarqa» aýdanynyń polısııa bólimine saǵat 11.50-de belgisiz bireýdiń ózin ekonomıkalyq qylmys boıynsha «Ulttyq bank» qyzmetkerimin dep tanystyryp, 3 mln 455 myń teńgesin qoldy etkenin aıtyp shaǵymdanǵan.

Kúdikti jábirlenýshige onyń jınaqtaryn qaýipsiz saqtaý maqsatynda Beıbitshilik kóshesindegi «Sentr Kredıt» bankine aqsha aýdarý kerektigin túsindirgen.

Atalǵan fakti boıynsha sotqa deıingi tergeý bastaldy. Qazirgi ýaqytta jedel-izdestirý sharalary júrip jatyr.

Bıyl osyndaı áreketten elordanyń 180-nen astam turǵyny opyq jegen. Jalpy materıaldyq shyǵyn 150 mln teńgeden asady. Barlyq faktiler boıynsha QR QK 190-baby (Alaıaqtyq) boıynsha tergeý júrgizilýde. Kórshiles elderdiń quqyq qorǵaý organdarymen ózara is-qımyl júrgizilýde, sebebi qylmys izderi shetelden bastaý alady degen boljam bar.

«Nur-Sultan qalasynyń Polısııa departamenti eskertedi! Eger sizge osyndaı qońyraý tússe, eshqandaı jaǵdaıda derekterińizdi bermeńiz, bul alaıaqtar! Áńgimeni úzip, banktiń koll-ortalyǵynyń resmı telefondary boıynsha barlyq aqparatty naqtylańyz.

Bank qyzmetkerleri eshqashan qońyraý shalmaıdy jáne derbes derekterdi jınamaıdy! Eseptik jazbanyń qupııa sózderin jáne bank kartalarynyń pın-kodtaryn mezgilimen ózgertip otyryńyz», delingen polısııanyń habarlamasynda.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar