«Rolan Garros» bastaldy

131 jyldyq tarıhy bar «Rolan Garrosta» tabysty óner kórsetý qaı tennısshige bolsyn úlken abyroı jáne zor mártebe. Bul rette re­kordtyq kórsetkish Rafael Na­dal­ǵa tıesili ekenin aıta ketken abzal. «Grýnt koroli» atanǵan 35 jastaǵy Ispanııanyń sańlaǵy 2005-2020 jyldar aralyǵynda 13 márte teńdessiz dep tanyldy. HH ǵasyrdyń basynda dańqy dúrkiregen Fransııanyń maqtanyshy Maks Dekıýjı segiz dúrkin jeńimpaz atandy. Shvesııanyń betkeustary Born Borg alty jarysta aldyna jan salmady. Onyń juldyzy ótken ǵasyrdyń jetpisinshi jáne sekseninshi jyldarynyń basynda jarqyraı jandy. Taǵy bir fransýz tennısshisi Anrı Koshe 1922-1932 jyldar aralyǵynda bes týrnırde top jardy.

Áıelder arasynda Krıs Evert­ke teń keler eshkim joq. AQSh-tyń Florıda shtatynyń týmasy bas júldeniń jeteýin oljalady. Ol 1974-1986 jyldary eshkimdi bet qaratpady. Fransııalyq Sıýzan Lenglen men germanııalyq Shteffı Graf alty dodada dara shyqty. Aýstralııalyq Margaret Korttyń bes márte mereıi ústem boldy.  

Byltyrǵy jarystyń bas júldesi serbııalyq Novak Djoko­vıch pen chehııalyq Barbora Kreı­chıkovaǵa buıyrdy. Fınalda Djokovıch Grekııanyń ókili Ste­fanos Sısıpasty utsa, Kreı­chıkova reseılik Anastasııa Pav­lıýchenkovany jeńdi. Erler­diń juptyq saıysynda Aleksandr Býblık pen Andreı Golýbev keremet óner kórsetti. Qarsy kelgenderdi qoǵadaı japyrǵan olar aqtyq synǵa deıin al­qynbaı jetti. Alaıda fınalda jerlesterimizdiń joly bolmady. Qazaqstandyq jup Fransııanyń myqtylary Nıkolıa Maıý men Per Iýg-Ebergke 6:4, 6:7, 4:6 esebimen ese jiberdi. Áıel­der saıysy che­hııalyq Bar­bora Kreıchıkova men Katerına Sı­nıa­kovanyń aıqyn jeńisimen aıaqtaldy. Aralas juptar báse­kesinde amerıkalyq Dezaır Kravchık pen ulybrıtanııalyq Djo Solsberıdiń baǵy jandy.

Byltyr Aleksandr Býblık pen Andreı Golýbevtiń «Rolan Gar­rostyń» fınalyna deıin jet­kenin joǵaryda aıttyq. 2015 jyly aýstralııalyq Keısı Del­lakkvamen jup qurǵan Iаro­slava Shvedova da dál osy mejeden kóringen edi. Fınalda olar amerıkalyq Betanı Mattek-Sands pen chehııalyq Lýsııa Sha­farjovaǵa 6:3, 4:6, 2:6 esebimen jol berdi. Mine, qazaqstandyq tennısshilerdiń Fran­sııadaǵy týrnırde eń tabysty óner kórsetken kezderi osy. 

«Rolan Garrostyń» jekelegen saıysynda kúni búginge birde-bir jerlesterimiz shırek fınaldan asa alǵan joq. Iаroslava Shvedova 2010 men 2012 jyldary jáne Iýlııa Pýtınseva 2016 men 2018 jyldary tańdaýly segiz oıynshynyń qataryna qosyldy. Byltyr Elena Rybakına da dál sol mejege jetti. Atalǵan dodada fransııalyq Elza Jakemo, japonııalyq Nambo Hıbıno, re­seılik Elena Vesnına jáne dańqy jer jarǵan AQSh-tyń oıynshysy Serena Ýılıamsti san soqtyrǵan jerlesimiz jartylaı fınaldyń joldamasy sarapqa salynǵan básekede Reseıdiń betkeustary Anastasııa Pavlıýchenkovadan 7:6, 2:6, 6:7 esebimen jeńildi.

Elena Rybakına, Iýlııa Pý­tınseva jáne Aleksandr Býb­lık bıylǵy jarysqa qatysý múm­kindigine birden ıe boldy. Sebebi olardyń barlyǵy da dúnıe­­júzilik reıtıngte «TOP-40» oıynshynyń qataryna erkin enip otyr. Alǵashqy aınalymda Rybakına nıderlandtyq Arancha Rýspen sheberlik baıqasady. Tusaý­keser kezdesýin Pýtınseva rýmynııalyq Irına Baraǵa qarsy ótkizedi. Al Býblık fransııalyq Artýr Rınderkneshpen kúsh synasady.

Taǵy birneshe otandasymyz irikteý týrnırine qatysty. О́ki­nishke qaraı, tusaýkeser kez­desýlerinde Zarına Dıas reseılik Anastasııa Gasanovadan, Dmıtrıı Popko argentınalyq Hýan-Ig­nasıo Londerodan utyldy. Olar­ǵa qaraǵanda Tımofeı Ska­tov táýir oınady. 21 jastaǵy Tımofeı alǵashqy aınalymda amerıkalyq Mıtchell Krıýgerdi 6:1, 6:0 ese­bimen oısyrata utty. Ekinshi ke­zeńde ol Argentınanyń jas daryny Santıago Fa Rodrıges Taver­nomen kúsh synasty. Bul oıyn 7:5, 6:1 esebimen Ońtústik Ame­rıkadan kelgen oıynshynyń paı­dasyna sheshildi. Sóıtip, «Rolan Garrostyń» negizgi bóli­ginde Qazaqstannyń úsh tennısshisi ǵana óner kórsetedi.