Azııanyń eń úzdik veloshabandozy dep tanylǵan jerlesimiz ondaı qurmetke ábden laıyq. 29 jastaǵy Soltústik Qazaqstan oblysynyń týmasy 2011 jyldan beri «Astananyń» sapynda óner kórsetýde. Ol Qazaqstan birinshiligi men Haınan, Almaty, Oman týrlarynyń birneshe dúrkin jeńimpazy. Lýsenko 2017 jyly «Ispanııa Výeltasynyń» kezeńdik saıysynda top jardy. Ulttyq komandamyzdyń sapynda 2014 jyly Inchhon men 2018 jyly Jakartada alaýy tutanǵan jazǵy Azııa oıyndarynda bas júldeni oljalady. 2017 jyly Bahreınde Alekseı qurlyq chempıony atandy. Sondaı-aq UCI-diń qurlyqtyq reıtınginde Qazaqstan quramasy birinshi oryndy ıelense, «Astana» klýby ekinshi oryndy oljalady.
Al «Djıro d’Italııa» kópkúndiginiń 14 kezeńi Saımon Ieıtstiń (BikeExchange-Jayco) jeńisimen aıaqtaldy. «Astananyń» veloshabandozdary arasynda eń úzdik nátıje áli de Vıchenso Nıbalıge tıesili. Bul joly ol márege tórtinshi bolyp jetti. Osy nátıjesiniń arqasynda Nıbalı jalpy esepte segizinshi satyǵa kóterildi.
