Bilim • 23 Mamyr, 2022

Qoshke Kemeńgerulynyń esimi berildi

21 ret kórsetildi

Elordadaǵy №49 mektepke Alash ardaqtysy Qoshke Kemeń­gerulynyń esimi berildi. Oqý oshaǵyna Alash qaıratkeri, jazý­shy, dramatýrg, ádebıetshi, tilshi, tarıhshy, kósemsóz sheberi Qosh­ke Kemeńgeruly esiminiń beri­lýi­n­e baılanys­ty halyqaralyq ǵyly­mı-teorııalyq konferensııa ótti. «Baqytty keleshekten úmit jibin kespeımin» atty saltanatty is-shara­ǵa qalamger Qoshke Kemeńgeruly urpaqtary, zııaly qaýym ókilderi, mektep muǵalimderi, oqýshylary, ata-analar qaýym­dastyǵy qatysty.

Jıynda Májilis depýtatta­ry Qazybek Isa, Amanjol Áltaı, Sh.Shaıah­metov atyndaǵy «Til – qazy­na» ortalyǵynyń dırek­tory Erbol Tileshov, Nur-Sul­tan qalasy Tilderdi damytý jáne arhıv isi basqarmasynyń basshysy Sáken Esirkep, Pavlo­dar oblysynyń bilim berý basqa­r­masy, Baıanaýyl aýdany bilim berý bóliminiń Q.Kemeńgeruly atyndaǵy jalpy bilim beretin orta mektep dırektory Ma­dııan Kabdýova, Qazaqstan Jazý­shylar odaǵy Nur-Sultan qala­lyq fılıalynyń dırektory Dáýletkereı Kápuly qa­ty­syp, qut­tyqtaý sózderin aıtty.

Konferensııada UǴA akade­mıgi Dıhan Qamzabekuly, L.N.Gýmılev atyndaǵy EUÝ qa­zaq ádebıeti kafedrasynyń pro­­fes­­sory Serik Negımov, M.Áýe­zov atyn­daǵy Ádebıet jáne óner ınstıtýtynyń bas ǵy­ly­mı qyzmetkeri Gúljahan Orda, fılologııa magıstri, Ege ýnı­ver­sıteti Túrik álemin zertteý ınstıtýtynyń qyzmetkeri Dı­lıara Gokche, ádebıettaný bo­ıynsha PhD doktory Bekarys Nurıman, t.b. ǵalymdar men zert­teý­shiler baıandama jasady.

Kelgen qonaqtarǵa bilim orda­synyń basshysy Araı Muha­metjanova mektep­tiń jetistikteri men ınnovasııalyq jáne shyǵar­mashylyq jumystardyń kórme­simen tanystyrdy. Osydan soń Qoshketaný ortalyǵynda qalam­ger músini­niń saltanatty túrde ashylýy boldy.

Músindi ashý  qurmeti Qoshke Kemeńger­ulynyń nemeresi, ardager ustaz, «RF Bilim berý isiniń úzdigi» tósbelgisiniń ıe­geri Rızabek Narmanbetuly men qazaq jerin Lenınniń aldynda qorǵap, shekarasyn shegendegen Álimhan Ermekulynyń, zańger, etnograf Jaqyp Aqbaevtyń jáne halyq kompozıtory, ótkir tildi sýyryp salma aqyn Imanjúsip Qutpanulynyń urpaqtaryna berildi.

Ǵylymı konferensııa sońyn­da qarar qabyldanyp, beki­tildi. Konferensııadan keıin mek­teptiń talantty oqýshylary Qosh­ke týyndylaryn mánerine keltire oqydy. Qazaq tili men ádebıeti pániniń muǵalimi Janat Eginbaıqyzynyń jetek­shi­ligi­men mekteptiń jas mamandarynan quralǵan «Jas qanat» teatrynyń ártisteri Qoshkeniń 1926 jyly Qyzyl­orda qalasynda Memlekettik ult teatry­nyń resmı ashylýynda qoıylǵan «Al­tyn saqına» pesasyn sahnalady. Saltanatty is-shara Qoshke urpaqtary jáne mektep­tiń dombyrashylar ansambliniń oryn­daýyndaǵy kúmbirlegen kúımen túıin­deldi.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar