Medısına • 24 Mamyr, 2022

Bes kishkentaı pasıentke birlesken operasııa jasady

17 ret kórsetildi

Elordalyq balalar aýrýhanasynda Túrkııanyń jetekshi mamany Býrak Tanderdiń qatysýymen balalar hırýrgııasy boıynsha halyqaralyq sheberlik sabaǵy ótti. Alǵashqy kúnderi sheteldik hırýrg qazaqstandyq áriptesterimen birge asqazan-ishek joldarynyń patologııasy bar elimizdiń ár jerinen kelgen balalardy tekserip, birneshe kishkentaı pasıentke operasııa jasady.

Is-shara Nur-Sultan qalasynyń №2 kópbeıindi balalar aýrýhanasynda ótti. Sondaı-aq álemniń túkpir-túkpirindegi mamandar úshin sheberlik sabaǵynyń onlaın kórsetilimi uıymdastyryldy.

«Operasııadan keıin biz qazaqstandyq áriptestermen birlesip, hırýrgııalyq ara­­la­sýdyń árbir kezeńin egjeı-tegjeı tal­­qy­ladyq. Mundaı yntymaqtastyq olar­­­dyń kásibı ósýine óte qolaıly. Bárimiz bir-birimizden birnárse úırenemiz. Operasııalardyń sátti ótkenine qýanysh­ty­myn», dedi túrkııalyq hırýrg B.Tander.

Barlyq balaǵa az ınvazıvti ádisterdi qoldaný, ıaǵnı mınımaldy tilikter men tigister jasaý arqyly operasııa jasaldy. Keıbir operasııa tásilderi elimizdegi balalar hırýrgteriniń tájirıbesinde alǵash ret qoldanyldy. Sheberlik sabaǵy aıasynda barlyǵy 5 operasııa jasaldy, onyń ishinde asqazan-ishek joldarynyń týabitti aqaýlary bar balalar da bar.

Buǵan qosa qatysýshylar asqazan-ishek joldarynyń týabitti aqaýlary (Gırsh­prýng aýrýy), anorektaldy damý aqaý­la­ry, gepatobılıarlyq hırýrgııa, ókpeniń týa­bitti aqaýlary boıynsha oqytý dáris­te­rine qatysty.

«Dúnıe bir orynda turmaıdy jáne dári­gerlerdiń kásibı quzyrettiligin arttyrý – ózge salalar sekildi biliktilikti ras­taý­dyń jáne jetildirýdiń mindetti quraly. Memleket pen jergilikti atqarýshy organ­dar­dyń qoldaýy arqyly búginde biz she­tel­­derge oqýǵa baryp qana qoımaı, Qa­zaq­stanǵa sheteldik áriptesterimizdi de shaqyrýǵa múmkindigimiz bar. Sheberlik saba­ǵynyń úsh kúni ishinde mamandarymyz jańa bilim men praktıkalyq daǵ­dylardy meńgergenine jáne osy bilim­di olar keıinnen balalardy emdeýde qol­da­natyndyǵyna senimdimin», dedi №2 kóp­beıindi qalalyq balalar aýrýhanasynyń dırektory Gúlnár Qulysheva.

Balalardyń ata-analary qýanyshtaryn jasyra almady. 15 jastaǵy naýqastyń anasy Narazgúl Masaǵutova Qazaqstan men Túrkııanyń jetekshi hırýrgteri ótkizetin shebe­rlik sabaǵy týraly áleýmettik jeli­ler­den oqyǵanyn aıtty. Sodan keıin jergilikti emhanadan joldama alyp, balamen birge astanalyq klınıkaǵa keńes alýǵa keldi.

«Meniń balama osyndaı kásibı mamandar ota jasaǵanyna óte qýanyshtymyn. Osy balalar aýrýhanasyna, barlyq dári­ger­ge, memleketimizge shyn júrekten alǵys aıtqym keledi. Barshańyzǵa sáttilik pen densaýlyq tileımin», dep dárigerlerge alǵys aıtty.

«Birinshi kúni aýyr syrqaty bar eki ba­laǵa operasııa jasaldy. Birinshi bala­ǵa az ınvazııaly operasııa – túrik hırýrginiń ózindik ádistemesi boıynsha laparoskopııalyq holesıstektomııa jasaldy. Bul balaǵa qalpyna kelý jaǵynan da, estetıkalyq jaǵynan da jaǵymdy áser etedi. Ekinshi jaǵdaıda laparoskopııalyq ehınokokkektomııa, ıaǵnı tesik arqyly ehınokokketomııa operasııasy jasaldy. Ystanbuldan kelgen áriptes osy opera­sııa­ny júrgizýdegi óz tájirıbesimen bó­lis­ti. Bul ádiske qazaqstandyq balalar hı­­rýrg­teri zor yqylas bildirdi», deıdi №2 kóp­­beıindi qalalyq balalar aýrý­ha­na­sy­nyń hırýrgııalyq blok jetekshisi Rınat Baıgıreev.

Aýrýhana basshylyǵy óz kezeginde dári­gerlerdiń biliktiligin arttyrý praktıkasyn jalǵastyrýǵa nıetti ekenin atap ótti. 2022 jyldyń sońyna deıin ýrologııa, ortopedııa, neırohırýrgııa, kombýstıologııa jáne basqa da beıinder boıynsha birqatar sheberlik sabaǵyn ótkizý josparlanyp otyr.

Sońǵy jańalyqtar

Dollar arzandady

Qarjy • Keshe

Uqsas jańalyqtar