«Referendým 2-3 jyl buryn josparlanǵan joq. Referendýmdy sıfrlyq túrde ótkizý úshin tehnologııa jalpy daıyn. Naqtylasam, jarty nemese 1 jyl ýaqyt berse, daıyndaýǵa bolady. Biraq zańdylyǵyn, aqparattyń qaýipsizdigin de eskerýimiz kerek. Daýys berý qalaı ótti? «Bazada ózi otyr ma, basqa bireý daýys berdi me?» degen suraqtar týyndaıdy. Keleshekte qolǵa alý úshin Ortalyq saılaý komıssııasyna biz usynys jasaımyz, birge talqylaımyz», dedi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın aqtóbeliktermen kezdesýinde.
