Atalǵan dodada 33 memleketten kelgen 260 sportshy baq synady. 15 jasqa deıingiler arasynda qazaqtyń órenine teń keler eshkim tabylmady. Ol qatarynan jeti kezdesýde jeńiske jetip, bas júldeni oljalady. Fınalda qaraǵandylyq jas sheber fransııalyq Antýan Nýaradan basym tústi. Jarys aıaqtalǵan bette ústel tennısinen Respýblıkalyq federasııanyń prezıdenti Danııar Ábilǵazın jeńimpaz ben onyń jeke bapkerin quttyqtady. «Bul tabystyń kezdeısoq emestigi anyq. Osy deńgeıge jetý úshin Alan Qurmanǵalıev kóp eńbektendi. Sońǵy ýaqytta ǵana ol ITTF sanatyndaǵy halyqaralyq jarystarda 13 medal aldy. Sonyń arqasynda qazaq sportshysy 15 jasqa deıingiler arasynda álemdik reıtıngte kósh bastap tur. Men Alan jáne onyń jeke jattyqtyrýshysy Elmıra Álıevany jarqyn jeńisterimen quttyqtaımyn», dedi D.Ábilǵazın.
Sondaı-aq Qurmanǵalıev 17 jasqa deıingi oıynshylar arasynda kúmis medaldi ıelendi. Báseke barysynda Djýzeppe Kalarko (Italııa), Egor Larkov (Lıtva), Pıotr Gavlas (Polsha), Rohelıo Kastro (Meksıka), Lı Hoıýn (Ońtústik Koreıa) jáne Natana Lamany (Fransııa) utqan ol fınalda Ońtústik Koreıanyń taǵy bir ókili O Chjýn Sýnýǵa ese jiberdi.
