Qazaqstan • 25 Mamyr, 2022

Mınıstr Kýboginiń ıegeri anyqtaldy

26 ret kórsetildi

Nur-Sultanda Jaqsylyq Úshkempirov atyndaǵy jekpe-jek saraıynda Qazaqstan Respýblıkasy Mádenıet jáne sport mınıstri Kýbogi úshin týrnırdiń fınaldyq kezeńi ótti, dep habarlaıdy Egemen.kz.

Jarysqa elimizdiń sport ınternattary men kolledjderiniń 2006-2007 jyldary týǵan jasóspirimderi qatysty.

QR Mádenıet jáne sport mınıstri Dáýren Abaev saltanatty ashylý rásimine qatysyp, jarystyń aqtyq kezeńin baqylady, onyń qorytyndysy boıynsha jeńimpazdar men júldegerlerge medaldar tabystady.

«Sportshylar men jattyqtyrýshylar jáne bolashaq chempıondardyń ata-analary úshin shyn júrekten qýanyshtymyn. О́ńirlerde osy jarysty ótkizý týraly bastamany úlken yntamen qarsy alǵandary qýantady. Kúrdeli irikteý kezeńderinen keıin elordada eń myqty sportshylar jınaldy. Bul jarystardyń atmosferasy sizderge jaǵymdy emosııa men ádemi áser syılaıdy, al jarqyn jeńis qosymsha serpin men motıvasııa beredi dep senemin», dedi mınıstr.

Sondaı-aq Dáýren Abaev atalǵan jarys dástúrli túrde ótetinine jáne jas talanttardy ashýǵa kómektesetinine senim bildirdi.

,

Aıta keteıik, 1-4 mamyr aralyǵynda ótken irikteý kezeńine respýblıkanyń barlyq óńirinen 17 komanda qatysty. Aımaqtyq týrnır Nur-Sultan, Almaty, Aqtóbe jáne Taraz qalalarynda ótti.

Fınaldyq kezeńde medaldar sporttyń tórt túri boıynsha oınatyldy: boks, dzıýdo, grek-rım jáne erkin kúres. Mınıstr Kýboginiń jalpy júlde qory 10 mıllıon teńgeni quraıdy. 1 oryn - 5 mıllıon, 2 oryn – 3 mıllıon, 3 oryn – 2 mıllıon teńge.

Jarys qorytyndysy:

1 oryn - Q. Muńaıtpasuly atyndaǵy olımpıada rezerviniń respýblıkalyq mamandandyrylǵan mektep-ınternat-kolledji (Nur-Sultan qalasy)

2 oryn - Kárken Ahmetov  atyndaǵy olımpıada rezerviniń respýblıkalyq mamandandyrylǵan mektep-ınternat-kolledji (Almaty qalasy)

3 oryn - Qyzylorda oblysynyń «Jalańtós Bahadúr atyndaǵy olımpıada rezerviniń oblystyq mamandandyrylǵan mektep-ınternat-kolledji» KMM (Qyzylorda oblysy).

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar