Bilim • 26 Mamyr, 2022

Inklıýzıvti oqý-zertteý zerthanasy ashyldy

40 ret kórsetildi

Inklıýzıvti jáne arnaıy bilim berý salasynda ǵylymı-zertteý jumystaryn uıymdastyrý, stýdentterdi oqytý, jańa formasııanyń mektep muǵalimderin, quzyretti, tájirıbege baǵyttalǵan pedagogıkalyq kadrlaryn daıarlaýda zerthanalyq resýrstar men jańa tehnologııalardy paıdalaný salalyq joǵary oqý oryndary úshin mańyzdy.

Bul baǵytta Abaı atyndaǵy QazUPÝ-da maqsatty baǵdar­lama­lar jolǵa qoıylǵan. Osy oraıda ýnıversıtette «Dara» qory­nyń qol­daýymen ınklıýzıvti bilim berýdiń oqý-zertteý zerthanasy ashyldy.

Is-sharaǵa respýblıkanyń ar­­­­naıy jáne ınklıýzıvti bilim berý ­uıym­dary, Pedagogıka jáne psı­hologııa ınstıtýtynyń ókil­deri qatysty. Ýnıversıtet rektory D.Bilálov erekshe balalar men olardyń otbasylaryn qol­daý úshin ınklıýzıvti bilim berý­diń mańyzyn atap ótti. «Ár bala­nyń fızıkalyq, áleýmettik-ekonomıkalyq jaǵdaıyna, emo­sıo­naldyq erekshelikterine, jy­ny­syna jáne basqa da faktor­laryna qaramastan, bilim alý múm­kindigi bolýy kerek. Memle­kettiń mindeti – bul úshin barlyq qa­jetti jaǵdaılardy jasaý, peda­gogıkalyq joǵary oqý oryn­darynyń mindeti – eń aldymen, mektepterdi erekshe bilim berý qajettilikteri bar bala­lar­dy oqytatyn joǵary kási­bı ma­man­­darmen qamtamasyz etý. Jańa zerthananyń ashylýy bul ba­ǵyttaǵy jumysty jandan­dyryp, elimizdegi ınklıýzıvti bilim berýdi damytýǵa óz yqpalyn tıgizedi», dedi ol.

Osy is-sharaǵa uıytqy bolǵan «Da­ra» qorynyń jetekshisi Gúlnar Do­saeva ınklıýzıvti bi­lim berý­di damyt­ý basym baǵyt eke­nine toq­talyp, «Biz muǵa­limderge, oqý­shylarǵa jáne olar­dyń ata-analaryna ınklıýzıvti bilim berý keńistigin asha otyryp, res­­pýb­lıkanyń 50-den astam mekte­bimen tyǵyz jumys istep kelemiz», dedi.

Arnaıy jáne jalpy bilim bere­tin oqý oryndarymen ynty­maq­tas­­tyqty damytý, bola­shaq muǵa­lim­derdi dýaldy oqytý, sony­men qatar balalardy dıagnos­tıkalyq zertteý jáne ońaltýdy maqsat etetin orta­lyq jumysyna oqytýshylardy, stý­dentterdi, magıstranttardy, dokto­ranttardy jáne praktıkterdi tar­tý josparlanýda. Pedagogıka jáne psı­hologııa ıns­tıtýtynyń dırek­tory Ǵalııa Abaeva sýrdopedago­gıka, olıgo­frenopedagogıka, tıflo­pedago­gıka, logopedııa mamanda­ryn ınklıý­zıvti bilim berý zertha­nasy­nyń baǵyttarymen jáne qural-jabdyqtarmen tanystyryp ótti.

Is-shara barysynda maman­dar erekshe bilim berý qajettilik­teri bar balalardy jalpy bilim berý keńis­tigine qosý, ınklıýzıvti jobalyq oılaý sharttary, júzege asyrý kezeń­deri men ádisteri, eli­mizdi arnaıy pedagogıkalyq kadrlarmen qam­tamasyz etý, Big Data tehnologııalary jáne ony bilim berý salasynda qoldaný, sport­tyq, shyǵarmashylyq jáne tárbıelik qoldaý daǵdylaryn damytý máselesin talqylap, birneshe mańyzdy salaǵa qatysty semınarlar ótkizdi.

 

ALMATY

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar