Aýa raıy • 26 Mamyr, 2022

Beısenbige arnalǵan aýa raıy boljamy

12 ret kórsetildi

Sınoptıkter 26 mamyrǵa arnalǵan aýa raıy boljamyn jarııalady, dep habarlaıdy Egemen.kz.

«Ekaterınbýrg aýmaǵynan kelgen sıklonnyń yqpalymen respýblıkanyń batys, soltústik-batys, soltústik, ońtústik aýdandarynda kún qubylmaly bolady. Sondaı-aq atalǵan sıklonnyń yqpalymen respýblıkanyń basym bóliginde jańbyr jaýyp, soltústik-batysta nóser jańbyr jaýady, naızaǵaı oınap, burshaq jaýady, jel kúsheıedi. Túngi jáne tańǵy saǵattarda batys pen soltústik-batysta topyraq betinde 2 gradýsqa deıin úsik júredi. Elimizdiń ońtústiginde, soltústiginde shańdy daýyl turady», delingen «Qazgıdromet» RMK baspasóz habarlamasynda.

Kúndiz Túrkistan oblysynyń taýly aýdandarynda naızaǵaı oınap, daýyl turady, oblystyń soltústiginde, batysynda shańdy daýyl turady, oblystyń soltústiginde, batysynda, taýly aýdandarynda jeldiń jyldamdyǵy sekýndyna 15-20 metr jyldamdyqpen soǵady, kúndiz ekpini 25 m/s-qa deıin kúsheıedi.

Kúndiz Almaty oblysynyń taýly aýdandarynda naızaǵaı oınap, naızaǵaı kezinde jeldiń kúshi 15-20 m/s-ke deıin kúsheıedi.

Mańǵystaý oblysynyń túnde ońtústiginde, kúndiz soltústiginde, shyǵysynda, ortalyǵynda naızaǵaı oınap, túnde jáne tańerteń oblystyń batysynda tuman túsedi.

Aqtóbe oblysynyń shyǵysynda, ońtústiginde naızaǵaı oınap, burshaq jaýady, oblystyń shyǵysynda, ońtústiginde, ortalyǵynda jel 15-20 m/s jyldamdyqpen soǵady.

Qostanaı oblysynyń soltústik jartysynda naızaǵaı oınap, burshaq jaýady, oblystyń ońtústiginde, ońtústik-shyǵysynda shańdy daýyl turady, jeldiń jyldamdyǵy sekýndyna 15-20 m/s, kúndiz ekpini 23-28 m/s-qa deıin kúsheıedi.

Kúndiz Soltústik Qazaqstan oblysynyń soltústiginde, batysynda, ońtústik-batysynda naızaǵaı oınap, daýyl turady, burshaq jaýyp, shańdy daýyl turady, kúndiz jeldiń jyldamdyǵy sekýndyna 15-20 mterge, oblystyń ońtústik-batysynda ekpini 25 m/s-ke deıin kúsheıedi.

Kúndiz Jambyl oblysynyń taýly aýdandarynda naızaǵaı oınap, burshaq jaýady, daýyl turady, jel 15-20 m/s jyldamdyqpen soǵady.

Qyzylorda oblysynyń ortalyǵynda jel 15-20 m/s-qa deıin kúsheıedi.

Kúndiz Qaraǵandy oblysynyń batysynda, soltústiginde de jeldiń jyldamdyǵy sekýndyna 15-20 metrge jetedi.

Kúndiz Qaraǵandy oblysynda, Jambyl oblysynyń soltústiginde qatty aptap ystyq bolady.

Batys Qazaqstan, Aqtóbe oblystarynda topyraq betinde 2 gradýsqa deıin úsik júredi.

Shyǵys Qazaqstan oblysynyń Jarma aýdanynda, Qyzylorda oblysynyń ortalyǵynda, Pavlodar oblysynda tótenshe órt qaýpi saqtalady.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar