Memlekettik satyp alýda ashyqtyq ornaıdy

Qarjy vıse-mınıstri Dáýren Kenbeıildiń aıtýynsha, osy saladaǵy ashyqtyqty qamta­masyz etýge baılanysty memlekettik satyp alý júıesin tolyqtaı sıfrlandyrý engizildi.

«Bıznes-prosesterdi avtomattandyrý arqyly memlekettik satyp alýdyń barynsha ashyq­tyǵy men aıqyndyǵy qamtamasyz etildi. Memlekettik satyp alýlardyń 100 paıyzy jáne olardy josparlaýdan bastap, tólemge deıin rásimderi elektrondy formatqa aýys­tyryldy. Kameralyq baqylaý engizildi. Bul tekserý obektisine barmaı-aq onlaın-rejimde júzege asyrylady. Sondaı-aq quqyq qorǵaý organdaryna tolyq qoljetimdilik qamtamasyz etildi. Tolyq avtomattandyrý qoǵamnyń memlekettik satyp alýdyń barlyq rásimderine, onyń ishinde shaǵymdaný jáne baqylaý prosesine qol jetkizýine jol ashty», deıdi vıse-mınıstr.

Ashyqtyqty qamtamasyz etýge, bárine birdeı teń múmkindik berýge baǵyttalǵan shara­lardyń nátıjesinde tikeleı shart jasasý arqyly bir kózden satyp alýdyń úlesi 2015 jyldan bastap 2021 jylǵa deıin 64 paıyzdan 39 paıyzǵa deıin qysqarǵan. 2021 jylǵy 15 qarashada memlekettik satyp alý máseleleri boıynsha bir kózden tikeleı shart jasasýdyń 4 negizin qysqartýdy kózdeıtin zań qabyldandy. Dáýren Kenbeıildiń aıtýynsha, satyp alýdy básekelestik tásildermen basym júzege asyrý týraly talap belgilengen. Sondaı-aq tapsyrys berýshiniń birinshi basshylarynyń bir kózden satyp alýdy júzege asyrǵany úshin jaýapkershiligi kózdelgen.

«2022 jylǵy 3 qańtarda Básekelestikti damytý máseleleri jónindegi zańmen bir kózden satyp alýdyń taǵy 2 negizi alynyp tastaldy jáne 4 negiz boıynsha bir kózden satyp alýdy júzege asyrý jaǵdaılary qaıta qaraldy. Sharttardy tikeleı jasasýdyń kórsetilgen negizderin alyp tastaý bir kózdi taǵy 50 paıyzǵa nemese satyp alýdyń jalpy kóleminiń 20 paıyzyna deıin qysqartýǵa múmkindik beredi. Budan basqa, bir kózdi negizsiz qoldaný maqsatynda, 2019 jyldan bastap memlekettik satyp alý portalynda zańda kózdelmegen jaǵdaılarda bir kózden shart jasasýǵa múmkindik bermeıtin FLB ornatylǵan», dedi spıker.

Onyń aıtýynsha, qazirgi kezde satyp alý­dyń barlyq prosesi ońtaılandyryldy. О́tinimder men rásimderdi qabyldaý merzimi 2 ese qysqarady. Satyp alýdy aldyn ala ótkizý maqsatynda satyp alýdyń aldyn ala jospary ınstıtýty kózdelgen. Bul bıyl bıýd­jettik komıssııa maquldaǵan ótinim negizinde, bıýd­jettiń bekitilýin kútpeı-aq, satyp alýlar júrgizýge jáne kelesi jylǵa sharttar jasasýǵa múmkindik beredi. Sondaı-aq konkýrs ótkizý týraly aldyn ala habarlandyrýdy jarııalaý múm­kindigi qarastyrylǵan. Bul ótinimderdi qabyl­daý merzimin 15 kúnnen 7 kúnge deıin qysqartýǵa múmkindik beredi.

«Rásimderdi ońaılatý maqsatynda 2022 jylǵy 1 shildeden bastap negizdemelik keli­simderdi paıdalana otyryp, konkýrs túrinde satyp alýdyń jańa tásili engiziledi. Bul satyp alý rásimderin 30 kúnge deıin qysqartýǵa múmkindik beredi, al qazir ortasha uzaqtyǵy 2 aıdy quraıdy. Bul tásil keńse taýarlaryn, JJM, baılanys qyzmetterin jáne basqa da satyp alý sııaqty standartty (tıptik) taýarlardy, jumystardy, kórsetiletin qyzmetterdi satyp alý boıynsha paıdalanylady. Onda, birinshi kezeńde negizdemelik kelisim jasalatyn belgilengen talaptarǵa sáıkes kele­tin áleýetti ónim berýshiler irikteledi. Bul – naryqta ózin jaqsy qyrynan kórsetken kompanııalar. Ekinshi kezeńde tapsyrys berý­shiler mundaı ónim berýshilerge taýarlardy, jumystardy, kórsetiletin qyzmetterdi satyp alýǵa ótinimder jiberedi. Shart eń jaqsy usy­nysty usynǵan ónim berýshilermen jasalady», dedi spıker.

Ol sondaı-aq saladaǵy buzýshylyqtardyń kópshiligi satyp alýshy organdar tarapynan, biliktiliktiń tómendiginen týyndaıtynyn atap ótti. Sondyqtan áleýmettik salanyń tapsyrys berýshilerin (mektepter, balabaqshalar, ınternattar, emhanalar jáne t. b.) memlekettik satyp alý rásimderin júrgizýden olardy memlekettik satyp alýdy biryńǵaı uıymdas­tyrýshylar deńgeıine bere otyryp bosatý usynylady.

«Bul máseleniń sheshimi negizdemelik keli­simder quraldaryn, sondaı-aq úlgilik tehnı­kalyq erekshelikterdi paıdalana otyryp, ortalyqtandyrylǵan memlekettik satyp alýdy keńinen qoldaný bolady dep otyrmyz. Bul ortalyqtandyrylǵan satyp alý organdarynyń biliktiligin arttyrýǵa múmkindik beredi. О́ıtkeni satyp alýdy tek bilikti mamandar ǵana júzege asyrady», dep atap ótti mınıstrlik ókili.

Bıyl 1 shildeden bastap memlekettik satyp alýdyń jańa tásilderi engizilmek. Sonyń biri – reıtıngtik-baldyq júıe qoldanylatyn konkýrs. Satyp alýdyń bul tásili memlekettik satyp alý prosesine adamnyń qatysýyn toly­ǵymen alyp tastaýdy kózdeıdi jáne kon­kýrstyq komıssııasyz júzege asyrylady.

Veb-portal áleýetti ónim berýshilerge avtomatty túrde tıisti baldardy beredi. My­saly, jaqsy bedelge ıe bolǵany úshin (kon­kýrstyń nysanasyna sáıkes jumys táji­rıbesi (mektep – mektep), qarjylyq turaq­tylyqtyń joǵary kórsetkishi, áleýetti ónim berýshi usynǵan kepildiktiń uzaq merzimi jáne t.b.) tıisti oń baldar avtomatty túrde beriledi. Bedeli nashar bolǵany úshin (budan buryn áleýetti ónim berýshiniń memleket­tik satyp alýǵa josyqsyz qatysýshylar­dyń tizi­­liminde bolýy, memlekettik satyp alý týra­ly aldyńǵy sharttar boıynsha merzimin ótki­zip alý, turaqsyzdyq aıybynyń bolýy jáne t.b.) teris baldar beriledi. Osylaısha, eń kóp baldardyń negizinde memlekettik satyp alý veb-portaly avtomatty túrde kon­kýrs jeńimpazyn anyqtaıdy. Bul baǵa men sapa krı­terıılerin biriktire otyryp, ónim berýshini avtomatty tańdaýǵa kóshýge múmkindik bermek.

Sapaly taýarlardy, jumystardy, kórse­tiletin qyzmetterdi satyp alý maqsatynda 2023 jylǵy 1 qańtardan bastap ómirlik sıkli qunynyń eseptemesi paıdalanylatyn konkýrsy túrinde satyp alýdyń jańa tásili engiziledi. Satyp alýdyń osy tásilin júzege asyrý kezinde ónim berýshini tańdaý satyp alý (bastapqy) baǵasynyń negizinde emes, taýardyń búkil qyzmet etý merziminiń (ómirlik sıkliniń) quny negizinde júzege asyrylady.