Boljamǵa sáıkes, aldaǵy demalys kúnderi Qazaqstannyń basym bóliginde aýa raıy turaqsyz bolady.
«28 mamyrda soltústikte, ortalyqta, ońtústikte, ońtústik-shyǵysta qatty jańbyr, daýyl, burshaq jaýady. Túnde elimizdiń soltústiginde, soltústik-batysynda jáne ortalyǵynda 2 gradýs úsik júrýi múmkin», delingen habarlamada.
Batys aımaqqa batys antısıklon áser etedi, sondyqtan jaýyn-shashyn jaýmaıdy. El aýmaǵynda jel kúsheıedi.
«Kelesi aptanyń basynda respýblıkanyń basym bóliginde kúndizgi aýa temperatýrasy joǵarylaıdy: respýblıkanyń batysynda, soltústik-batysynda 25-30 gradýsqa deıin, ońtústiginde 33 gradýsqa deıin, soltústiginde 23-28 gradýsqa deıin, ortalyǵynda 25-30 gradýsqa deıin bolady», dep qorytyndylady sınoptıkter.
