Senbige arnalǵan aýa raıy boljamy

Kásiporyn taratqan derekterge qaraǵanda, Qazaqstan aýmaǵy boıynsha frontaldy bólikterdiń ótýine baılanysty kún qubylmaly bolady, jańbyr jaýyp, taýly aımaqtarda nóser jaýyn jaýady, naızaǵaı oınap, jel kúsheıedi, burshaq jaýýy yqtımal.

Tek elimizdiń ońtústik-batysynda ǵana joǵary qysym órisiniń áserinen kún jaýyn-shashynsyz bolady. Jambyl oblysynyń ońtústiginde, batysynda, soltústiginde, taýly aýdandarynda naızaǵaı oınap, burshaq jaýady, daýyl turady, ońtústik-batysynda, soltústik-shyǵysynda, taýly aýdandarynda jel sekýndyna 15-20 metr jydamdyqpen soǵady, túnde jáne tańerteń ekpini 23-28 m/s-ke deıin kúsheıedi.

Túrkistan oblysynyń ońtústiginde, taýly aýdandarynda jáne taý bókterinde naızaǵaı oınap, burshaq jaýady, daýyl turady, soltústikte, batysta, ońtústikte jáne taýly aýdandarda jeldiń jyldamdyǵy sekýndyna 15-25 metrge jetedi.

Qyzylorda oblysynyń ortalyǵynda, shyǵysynda jel sekýndyna 15-20 m/s-ke deıin kúsheıedi, túnde oblystyń shyǵysynda naızaǵaı oınaıdy. Soltústik Qazaqstan oblysynyń shyǵysynda, soltústiginde, batysynda jel 15-20 m/s-ke deıin kúsheıedi, túnde jáne tańerteń oblystyń soltústik-batysynda tuman túsip, kúndiz oblystyń batysynda naızaǵaı oınaıdy.

Qostanaı oblysynyń batysynda túnde jáne tańerteń tuman túsedi, kúndiz batysynda, soltústiginde naızaǵaı oınaıdy, jel 15-20 m/s-ke deıin kúsheıedi. Atyraý, kúndiz Aqtóbe oblystarynyń soltústiginde, shyǵysynda jeldiń kúshi sekýndyna 15-20 metrge jetedi.

Batys Qazaqstan oblysynyń soltústik-shyǵysynda naızaǵaı oınap, burshaq jaýady, oblystyń soltústik-batysynda jel 15-20 m/s jyldamdyqpen soǵady.

Almaty oblysynyń batysynda, ońtústiginde, shyǵysynda, taýly aýdandarynda jeldiń jyldamdyǵy 17-22 m/s-ke, ekpini 24-29 m/ske jetedi, kúndiz ońtústiginde, taýly aýdandarynda naızaǵaı oınap, burshaq jaýyp, daýyl turady. Shyǵys Qazaqstan oblysynyń batysynda naızaǵaı oınap, jeldiń kúshi sekýndyna 15-20 metrge deıin jetedi.

Aqmola oblysynyń shyǵysynda naızaǵaı oınap, túnde shyǵysynda, kúndiz oblystyń batysynda jel 15-20 m/s jyldamdyqpen esedi. Qaraǵandy oblysynyń ortalyǵynda, soltústiginde, shyǵysynda naızaǵaı oınap, burshaq jaýady, daýyl turyp, jeldiń jyldamdyǵy sekýndyna 15-20 metrge jetedi, ekpini 23-28 m/s bolady.

Kúndiz Pavlodar oblysynyń ońtústiginde naızaǵaı oınap, burshaq jaýady, daýyl turady, jeldiń kúshi sekýndyna 15-20 metrge deıin kúsheıedi. Soltústik Qazaqstan, Qostanaı oblystarynyń batysynda topyraq betinde 2 gradýs úsik júredi.

Shyǵys Qazaqstannyń oblysynyń Jarma, Qaton-Qaraǵaı aýdandarynda, Qyzylorda oblysynyń ortalyǵynda, Pavlodar oblysynyń ońtústiginde tótenshe órt qaýpi saqtalady.