Oqıǵa ornynan vıdeony kýágerler Instagram-da jarııalady. Kadrlarda tasjolda janyp jatqan avtomobıl qalǵan kólikterdiń qozǵalysyna kedergi keltirip turǵany kórinedi. Sondaı-aq, júk kóliginiń janynda shóp janyp jatyr.
Pavlodar oblysy TJD baspasóz qyzmetiniń málimetinshe, órt týraly habarlama 28 mamyrda saǵat 12.06-da túsken.
«Respýblıkalyq mańyzy bar Pavlodar - Ýspenka - RF avtojolynda plastık ydysqa quıylǵan shamamen 10 tonna ósimdik maıy tıelgen 2004 jyly shyǵarylǵan Krone ZZF 18 markaly tartqysh tolyǵymen janyp ketti», dep habarlady vedomstvonyń baspasóz qyzmetindegiler.
«Júk Novosibirden Bishkekke qaraı Qazaqstan shekarasy arqyly bara jatqan. Sondaı-aq, aýdany 500 sharshy metr jáne 4 gektar bolatyn eki oshaqta qurǵaq shóp órtendi. О́rt saǵat 14.40-ta sóndirildi. Zardap shekkender men qaza tapqandar joq», dedi vedomstvo ókilderi.
