«Jas Dınamo marafony» Almaty qalasynyń áskerı jáne quqyq qorǵaý organdarynyń, kúshtik jáne basqa da arnaıy qurylymdary qyzmetkerleriniń balalaryn, kadet synyptarynyń, áskerı-patrıottyq klýbtardyń, «Jas Dınamo» sport seksııalarynyń, onyń ishinde demeýshi balalar úıleriniń, mektep-ınternattardyń tárbıelenýshilerin, ıývenaldyq polısııanyń profılaktıkalyq esebinde turǵan kámeletke tolmaǵan balalardy jınady. Sondaı-aq, jarysqa, qyzmettik mindetterin oryndaý kezinde qaza tapqan polısııa qyzmetkerleriniń balalary da qatysty», deıdi «Dınamo» dene shynyqtyrý jáne sport qoǵamy ortalyq keńesi tóraǵasynyń orynbasary Asqar Omarqulov.
Sporttyq merekeniń maqsaty – salaýatty ómir saltyn nasıhattaý, balalardy sportqa baýlý jáne jasóspirimder arasyndaǵy quqyq buzýshylyqtyń aldyn alý.
10-14 jas aralyǵyndaǵy balalar kelesi saıystar boıynsha baq synady:
- 60 jáne 100 metrge júgirý;
- Kalashnıkov avtomatyn bólshekteý jáne qurastyrý;
- darts jarystary;
- mını-fýtbol.
Oıyndar arasyndaǵy aralyqta PD JQAJ qyzmetkerleri, bı jáne basqa da shyǵarmashylyq toptar óner kórsetti.
Marafon aıasynda fleshmob ta ótti.
«Balalar arasyndaǵy quqyq buzýshylyqtyń, nashaqorlyqtyń, alkogolızmniń jáne basqa da qoǵamǵa jat kórinisterdiń aldyn alý sharalary basymdyqqa ıe boldy. Bul jumysta «Dınamo» ákimshilik polısııamen, ıývenaldy polısııa bólimshelerimen, esirtki qylmysyna qarsy kúres basqarmasymen, ardagerler Keńesterimen jáne basqa da qurylymdarmen belsendi árekettesýde. Bul - Qazaqstannyń salaýatty jáne myqty bolashaǵy jolyndaǵy jemisti yntymaqtastyq. Mereke qatysýshylaryna balmuzdaq pen táttiler taratyldy, al, úzdik sportshylar medaldarmen, baǵaly jáne estelik syılyqtarmen marapattaldy», dedi Almaty qalalyq polısııa departamenti bastyǵynyń orynbasary, polısııa polkovnıgi Oljas Myrzabekov.
