Mamyr aıynyń sońǵy aptasynda uıymdastyrylǵan shahmat jarysynda jerlesimiz Býndeslıganyń sońǵy bes týryna qatysyp, komandasyna mańyzdy jeńis syılady. Jansaıanyń komandasy birinshiliktiń aıaqtalýyna bir týr qalǵanda merziminen buryn jeńimpaz atandy. Asa tartysty ótken sheshýshi týrda OSG Baden-Baden komandasy SK Schwäbisch Hall ujymynan aılasyn asyryp, 3,5:2,5 esebimen basym tústi. Eń mańyzdysy, bul synda Jansaıa Ábdimálik qarsylas komandadaǵy otandasy Dınara Sádýaqasovany qapy qaldyrdy.
Jansaıa 2019-jyldan beri germanııalyq OSG Baden-Baden komandasynda óner kórsetip keledi. Onyń klýby Býndeslıgada 2018 jyly top jarǵan edi. OSG Baden-Baden bıyl Býndeslıga tarıhyndaǵy 12-shi jeńisine qol jetkizdi. Al Dınara Sádýaqasovanyń komandasy ekinshi orynǵa taban tiredi. Chempıonatta barlyǵy 12 komanda baq synady.
