Sodan keıin Qasym-Jomart Toqaevqa ýnıversıtettiń ǵylymı jetistikteri men ınnovasııalyq ázirlemeleriniń kórmesi kórsetildi. Ǵalymdar men stýdentter Memleket basshysyna neıroǵylym, densaýlyq saqtaý, týrızm, agrohımııa, qurylys tehnologııasy, jasandy ıntellekt jáne bıotehnologııa salalaryndaǵy ózderiniń ǵylymı-ınnovasııalyq jobalarynyń múmkindikteri týraly aıtty.
Sonymen qatar Prezıdentke ýnıversıtettiń ınfraqurylymyn keńeıtý jospary jóninde málimet berildi. Qasym-Jomart Toqaevqa josparlanǵan qurylys nysandarynyń jobasy jáne jańǵyrtylǵan oqý korpýstary, jataqhanalar men qyzmettik turǵyn úı tanystyryldy.
Ýnıversıtetti aralap kórý barysynda Memleket basshysyna reseılik «MIFI» ulttyq ıadrolyq zertteý ýnıversıtetiniń prezentasııasy kórsetildi. «MIFI» rektory Vladımır Shevchenko Prezıdentke joǵary oqý ornynyń ǵylymı jumystary men bilim berý isin tanystyrdy. Jýyrda Ál-Farabı atyndaǵy Qazaq ulttyq ýnıversıtetiniń bazasynda ıadrolyq energetıka, farmasevtıka, medısına jáne ekonomıka salasy boıynsha mamandar daıarlaıtyn «MIFI» fılıalyn ashý jónindegi kelisimge qol qoıyldy.
Is-shara sońynda Qasym-Jomart Toqaev jas oqytýshylarmen, ǵalymdarmen jáne stýdenttermen, sonyń ishinde sheteldiktermen áńgimelesti.
Stýdentter jastarǵa erekshe kóńil bóletini úshin Memleket basshysyna alǵys aıtyp, elimizdegi aýqymdy reformalardy qoldaıtynyn jetkizdi.
Aıana Toǵanbek
