Kezdesýde Aýǵanstandaǵy daǵdarysty turaqtandyrý, gýmanıtarlyq kómek kórsetý jáne áleýmettik-ekonomıkalyq jaǵdaıdy qalpyna keltirý jónindegi halyqaralyq kúsh-jiger aıasynda Qazaqstan men BUU arasyndaǵy yntymaqtastyqty damytýdyń perspektıvalary talqylandy.
Memleket basshysy Qazaqstannyń terrorızm men ekstremızmge qarsy kúres, Aýǵanstanǵa gýmanıtarlyq kómek kórsetý, aýǵan stýdentteri úshin bilim berý baǵdarlamalaryn jalǵastyrý salalary boıynsha halyqaralyq qoǵamdastyqpen jan-jaqty yntymaqtastyqty jalǵastyrýǵa beıildi ekenin rastady.
Debora Laıons Memleket basshysyna Eýropalyq Odaq pen Ortalyq Azııanyń Aýǵanstan jónindegi arnaýly ókilderiniń keshe Almatyda ótken ekinshi kezdesýiniń qorytyndysy, sondaı-aq UNAMA keńsesiniń Aýǵanstandy qalpyna keltirý úshin qabyldaǵan sharalary jóninde málimet berdi.
BUU joǵary laýazymdy ókili osy Uıymnyń Aýǵanstandaǵy mıssııasynyń qyzmetine qoldaý kórsetkeni úshin Qazaqstan Prezıdentine alǵys aıtty. Qol jetkizilgen kelisimderge sáıkes UNAMA-nyń ýaqytsha qashyqtaǵy keńsesi Almatyda ornalasatyn boldy. Jýyq arada Qazaqstandaǵy atalǵan mıssııanyń mártebesi týraly kelisimge qol qoıylady.
