EQYU tóraǵasy Qazaqstan Prezıdenti Qasym-Jomart Toqaevtyń QR Konstıtýsııasyna ózgerister engizý jónindegi reformalar bóligindegi kún tártibi Parlamentti kúsheıtýge múmkindik beretinin málimdedi.
«Biz Qazaqstandy EQYU baǵdarlamasynyń bizdiń uıymy men ofısi usyna alatyn barlyq nárseni, resýrstardy, bilimdi sizdiń órshil saıası reformalaryńyzdy júzege asyrýda tolyq kólemde paıdalanýǵa shaqyrǵymyz keledi», dedi Zbıgnev Raý.
Erlan Qoshanov EQYU tóraǵasynyń sapary Qazaqstan úshin mańyzdy saıası oqıǵa – referendým qarsańynda ótip jatqanyn atap ótti.
Kezdesý barysynda taraptar Qazaqstan men EQYU-nyń ózara is-qımylynyń, ekijaqty Qazaqstan-Polsha qatynastarynyń, onyń ishinde eki el parlamentteri arasyndaǵy qarym-qatynastyń qazirgi jaǵdaıy men perspektıvalaryn talqylady.
EQYU Tóraǵasy ótken ǵasyrdyń 30-shy jyldaryndaǵy saıası qýǵyn-súrgin kezinde Qazaqstanǵa jer aýdarylǵan ondaǵan myń polıaktardyń baspanasy men qoldaýy úshin qazaq halqyna alǵys aıtty. Sondaı-aq ol Qazaqstanda turatyn etnıkalyq polıaktardyń polıak mádenıeti men tilin úırenýine barlyq jaǵdaı jasalǵany úshin alǵys bildirdi.
Kezdesý qorytyndysy boıynsha taraptar barlyq deńgeıdegi yntymaqtastyqty keńeıtý týraly kelisti.
