Máslıhat depýtattarynyń ókilettigi artady

Basqosýda aldymen sóz alǵan Referendýmdy qoǵamdyq qol­daý jónindegi respýblıkalyq shtab­tyń tóraǵasy Tóleýbek Muqa­shev referendýmdy qoldaý shtaby Májilis depýtattarynyń bastamasymen qurylǵanyn atap ótti. Shtab quryla sala jer-jer­ler­de halyqpen kezdesip, nasıhat ju­mystaryn júıeli júrgize bastaǵan.

– Osy ýaqytqa deıin ońtús­tik, soltústik jáne batys óńir­lerde halyqpen kezdesip, kon­s­tı­­týsııalyq reformany tal­qy­­ladyq. Kezdesý kezinde ha­lyq­tyń usynys-pikirlerin túr­tip alyp otyrdyq. Biz úshin ár aza­­mattyń pikiri mańyzdy, – deıdi Respýblıkalyq shtabtyń tóra­ǵasy Tóleýbek Muqashev.

Al respýblıkalyq kásip­odaq­tar federasııasy tóra­ǵasy­nyń orynbasary Nurlan О́teshev konstıtýsııalyq re­for­malardyń halyq úshin ma­ńyzdylyǵyn tú­sin­­dirýde kásipodaq uıymdary bel­sendi ekenin aıtty.

– Referendým qoǵamdy demokratııalandyrý maqsatynda jasalyp jatqanyn túsinýimiz kerek. Estigen bolsańyzdar, jıyr­madan astam zańǵa túzetýler men ózgertýler engiziledi. So­nyń ishin­­de Konstı­tý­­sııalyq sot qu­ry­la­dy. Bul biz úshin óte tıimdi. Máselen, zań­ǵa qarama-qaıshy normalar bo­ıynsha Májilis arqyly Konstı­týsııalyq ke­ńeske júginip júr­genbiz. Endi tikeleı sot dáre­je­­sindegi qu­zyr­ly organǵa jú­gi­ne alatyn bolamyz. Demek, oryn alǵan problemalar jedel sheshiledi, – deıdi N.О́teshev.

D.Serikbaev atyndaǵy Shy­ǵys Qazaqstan tehnıkalyq ýnı­ver­sıtetinde ótken jıynda re­fer­endýmdy qoldaý jóni­ndegi Shyǵys Qazaqstan oblys­tyq shtabynyń tóraǵasy Oleg Cher­ny­shov konstıtýsııalyq reformalardy úshke bólip tal­qy­lady.

– Birinshiden, Prezıdent Ata Zańǵa engiziletin túzetýlerdi jal­pyhalyqtyq referendýmǵa shyǵardy. Ekinshiden, oblys­tarda referendýmdy qoldaý shtabtary qu­ryldy. Úshinshiden, ózimizde atqarylǵan sharýalarǵa toqtalar bolsam, shtab­tyń kestesine saı
1 600 is-sha­ra ótkizip, 200 myńnan astam adam­ǵa úgit-nasıhat júr­gizilgen. Úshinshi – zań shy­ǵarý kezeńi. Qabyldanatyn zań­namalar tıim­di bolýy úshin qa­zir­gi shtabtardy saqtaǵan jón. Sebebi zań qabyl­da­nar sátte ha­lyqtyń tilegin bilip otyrý qa­­jet, – dep usy­nys aıtty Oleg Chernyshov.

Bul usynysty Tóleýbek Mu­qa­shev birden qoldady. Sony­men qatar keleli jıynda Bes­qa­raǵaı aýdandyq referendýmdy qoldaý jónindegi qoǵamdyq shtabtyń tóraǵasy Erbolat Rahmetýllın, Altaı aýdandyq máslıhatynyń hatshysy Larısa Grechýshnıkova óz óńirlerindegi referendýmǵa daıyndyqtaryn sóz etti.

Shyǵys Qazaqstan oblystyq máslıhatynyń hatshysy Denıs Rypakov depýtattardyń halyqqa túsindirý jumysymen júıeli túrde aınalysyp júrgenin aıtty.

– Konstıtýsııalyq reforma qabyldansa, máslıhat depýtat­ta­rynyń ókilettigi artady. Biraq úlken jaýapkershilik júk­te­le­di dep oılaımyn. Ádiletti Qazaq­stan úshin bárimiz bir kisideı daýys bereıik, – dedi Denıs Rypakov.

Álbette, jıyn sońynda tur­­­ǵyn­dardyń da usynys-pi­kir­leri tyń­daldy. Barlyǵy der­lik ózge­ris­tiń kerektigin aı­t­­ty.

Shyǵys Qazaqstan oblysy