Qoǵam • 02 Maýsym, 2022

Balabaqsha tárbıeshileriniń jalaqysy eki ese ósedi

2438 ret kórsetildi

Bilim jáne ǵylym mınıstri Ashat Aımaǵambetov jelidegi paraqshasynda balabaqshalarǵa qoıylatyn talaptar týraly jazdy, dep habarlaıdy Egemen.kz.

«Ornatylǵan beınekameralardyń arqasynda qoǵam balalardyń quqyqtary buzylǵan faktiler týraly habardar otyr. Bul balabaqshalarǵa qoıylatyn talaptardy kúsheıtý qajettiligi týraly ustanymymyzdyń ózektiligin rastaıdy. On jyldan astam ýaqyt buryn balabaqshalar sanynyń jyldam ósýin yntalandyrý úshin lısenzııalaýdan, keıin memlekettik baqylaýdan, monıtorıngten jáne olardyń qyzmetin retteýden bas tartý týraly sheshim qabyldandy. Ol qandaı nátıje berdi? Jekemenshik balabaqshalar sany kúrt artyp, 3 jastan 6 jasqa deıingi balalar birden 99%-ǵa deıin qamtyldy. Bul - jaqsy nátıje. Alaıda balabaqsha sanyn kóbeıtýge múmkindik bolsa da, sapany arttyrý ózekti bolyp qala beredi», dep jazdy A.Aımaǵambetov.

Onyń aıtýynsha, balabaqshalardyń jartysy tehnıkalyq jáne sanıtarlyq talaptarǵa saı kelmeıtin ǵımarattarda, bilikti mamandarsyz jáne qaýipti jaǵdaılarda ashylǵan. Mundaı faktiler jetkilikti.

«Eki jyl buryn biz lısenzııalaý men memlekettik baqylaýdy qaıtarýǵa áreket jasadyq. Alaıda sol kezde kásipkerler palatasynyń, balabaqshalar qaýymdastyǵynyń jáne birqatar memlekettik organnyń ustanymy bul normany zańǵa engizýge múmkindik bermedi. Biraq biz bul baǵytta jumysty toqtatpadyq. О́tken jyldyń sońynda memlekettik attestattaý júıesin engize aldyq. Attestasııa nátıjesi kóńilden shyqpady. Tekseristen ótken balabaqshalardyń 80%-y memlekettik attestasııadan óte almady. Áńgime balabaqshadaǵy búldirshinderge qolaıly jaǵdaı jasalmaýy, oqý-tárbıe jumystarynyń memlekettik bilim berý standartyna, qaýipsizdik tehnıkasy, órt jáne sanıtarlyq normalardyń talaptarǵa sáıkes kelmeýi, tárbıeshilerdiń qol kóterýi jáne basqa da keleńsiz faktiler týraly bolyp otyr», dep jazdy mınıstr.

Sonymen qatar Ashat Aımaǵambetov balabaqsha tárbıeshileriniń jalaqysy týraly aıtty.

«Tárbıeshilerdiń jalaqysy jyl saıyn 25%-ǵa óskenimen, bazalyq jalaqynyń azdyǵynan ol áli de bolsa jetkiliksiz bolyp otyr. Qazir biz birneshe balabaqshada pılottyq joba bastadyq. Bul joba boıynsha eki tárbıeshi jarty kún emes, kúni boıy jumys istep, eki ese jalaqy alady. Keıin pılottyq joba nátıjesi boıynsha sheshim qabyldanady. Árıne, jekemenshik balabaqsha ashatyn kásipkerlerdi qoldaý mańyzdy ekenin túsinemiz. Biraq bizdiń jumysymyzdaǵy basty baǵyt – balalardyń qaýipsizdigi jáne olarǵa qolaıly ári sapaly jaǵdaı jasaý. Mundaı erejeler ata-analar úshin mańyzdy jáne adal kásipkerler úshin paıdaly dep esepteımin», delingen mınıstr jazbasynda.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar