«Republic of Turkey (Túrkııa Respýblıkasy) Republic of Türkiye bolyp ózgertildi», dedi Dıýjarrık.
Onyń aıtýynsha, atalǵan ózgeris túrik bıligi ótinim bildirgen soń birden kúshine engen.
«El ataýynyń qysqa nusqasy endi Turkey emes, Türkiye bolady. Degenmen alfavıt boıynsha Túrkııanyń orny ózgermeıdi», dep qosty Dıýjarrık.
Túrkııa Syrtqy ister mınıstri Mevlút Chavýshoǵly túsindirgendeı, Túrkııa ataýynyń jazbasha nusqasyn ózgertý Ankaranyń «eldiń halyqaralyq arenadaǵy bedelin arttyrýǵa» baǵyttalǵan qadamdarynyń bir bóligi retinde qabyldanǵan.
Buǵan deıin Taıland bıligi Bangkoktyń resmı ataýyn latyn grafıkasynda shet tilderinde jazý úshin Bangkok emes, Krung Thep Maha Nakhon dep ózgertý týraly sheshim qabyldaǵan bolatyn. Shet tilderindegi astanalar ataýlaryn jergilikti tildiń dybysyna kóbirek sáıkes keltirý týraly sheshimdi Qytaı da qabyldap, Pekındi Beijing-ge, al Mıanma Rangoon-dy Yangon-ǵa ózgertken bolatyn.
