QR SIM, Qazaqstan Respýblıkasynyń Italııa Respýblıkasyndaǵy Elshiligi jáne KAZAKH INVEST, sondaı-aq Italııa saýda agenttiginiń qoldaýymen uıymdastyrǵan is-shara sheńberinde agroónerkásiptik keshen, mashına jasaý, munaı hımııasy, jańartylatyn energetıka, jeńil ónerkásip, kólik, logıstıka jáne basqa da sektorlardaǵy ınvestısııalyq yntymaqtastyqty keńeıtý máseleleri talqylandy.
Is-sharany ashqan Italııa Respýblıkasynyń syrtqy ister jáne halyqaralyq yntymaqtastyq mınıstriniń orynbasary Manlıo Dı Stefano Italııa men Qazaqstannyń ekonomıkalyq ózara is-qımylynyń dınamıkasyn joǵary baǵalap, óńdeý ónerkásibindegi ınvestısııalyq áriptestikti keńeıtý úshin aıtarlyqtaı áleýettiń bar ekenin atap ótti.
О́z kezeginde Muhtar Tileýberdi elimizdiń saýda úlesine shaqqanda jalpy kólemniń 9% Italııaǵa tıesili ekenin, jáne de Italııa Qazaqstannyń úshinshi iri saýda seriktestigi ekenin atap ótti. Búginde Qazaqstannyń ekonomıkasyna $9 mlrd-tan astam ınvestısııa salǵan ıtalııalyq kapıtaldyń qatysýymen 280-nen astam kásiporyn jumys isteýde.
«Qazaqstan aýyl sharýashylyǵyn damytý áleýeti bar álemniń TOP-5 eliniń qataryna kiredi. Osyǵan baılanysty bizdiń elimiz qajetti resýrstyq bazany, ótkizý naryqtaryna qoljetimdilikti jáne aýyl sharýashylyǵy ónimderin óndirý salasynda ózara tıimdi jobalardy qurý jáne iske qosý kezinde memlekettik qoldaýdyń keń sharalaryn usyna alady», dep atap ótti Muhtar Tileýberdi.
Budan basqa ıtalııalyq ınvestısııalardy tartý úshin taǵy bir perspektıvti oryn jańartylatyn energetıka salasy bolyp tabylady. Jeldiń, kúnniń sapasy jáne elimizdiń úlken aýmaqtary Qazaqstandy osy sektorda kóshbasshy ete alady. Sondaı-aq Qazaqstan «jasyl» sýtegi óndirisinde mańyzdy ról atqara alady.
Dóńgelek ústel aıasynda QR SIM Investısııalar jónindegi komıtet tóraǵasynyń orynbasary Erlan Zeıneshev Qazaqstannyń ınvestısııalyq múmkindikteri men ınvestorlardy memlekettik qoldaý sharalarymen tanystyryp ótti. Al «KAZAKH INVEST» UK» AQ Basqarma tóraǵasynyń orynbasary Jandos Temirǵalı óz sózinde qazirgi ýaqytta kóptegen halyqaralyq kompanııalar Qazaqstandy ózderiniń ónerkásiptik kásiporyndaryn oqshaýlaý úshin alań retinde tańdap jatqanyn alǵa tartty.
Italııa tarapynan dóńgelek ústel jumysyna «Confindustria» halyqaralyq baılanystar jónindegi dırektory Rafael Langella, «SACE» qoǵammen baılanys jónindegi dırektory Krıstıana Portale jáne Italııa-Qazaqstan Saýda palatasynyń prezıdenti Paolo Gırellı qatysty.
Budan basqa is-shara barysynda «Bonatti» (munaı-gaz salasy), «Cimolai» (metall konstrýksııalary), «Eni» (munaı-gaz salasy jáne JEK), «Neos» (avıatasymaldar), «Petrol Valves Group» (klapan óndirisi), «Renco» (qurylys) sondaı-aq «Savi Italo» men «Tre-Bio» (AО́K) sııaqty ıtalııalyq kompanııalardyń basshylary sóz sóıledi.
Dóńgelek ústel jumysy ekijaqty kezdesýlermen aıaqtaldy. Muhtar Tileýberdi jańa jobalardy iske asyrý máseleleri boıynsha «Same Deutz-Fahr» (aýyl sharýashylyǵy tehnıkasyn óndirý) kompanııasynyń basshysy Aldo Karossa, «Ansaldo Energie S.p.A» (energetıka) jetekshisi Stefano Santınellı, «Coldiretti» (agroóndirýshiler konfederasııasy) basshysy Lýıdjı Pıo Skordamalıa jáne «Maire Tecnimont» (munaı hımııasy, agrohımııa) jetekshisi Alessandro Bernınımen kezdesýler ótkizildi.
Italııa Qazaqstan ekonomıkasynyń iri ınvestorlarynyń biri. QR Ulttyq Bankiniń derekteri boıynsha 2021 jyly Italııadan tikeleı sheteldik ınvestısııalar kólemi $122,8 mln qurady, bizdiń elderimiz arasyndaǵy ózara taýar aınalymynyń kólemi 2021 jyly $9,6 mlrd (eksport – $8,8 mlrd, ımport – $0,8 mlrd) qurady.
Aıta ketsek, 2022 jylǵy maýsymnan bastap ashylatyn Almaty - Mılan baǵyty boıynsha aptasyna 2 ret qatynaıtyn tikeleı reıster eki eldiń saýda-ekonomıkalyq baılanystaryn odan ári damytýyna yqpal etpek.
