Bilim • 02 Maýsym, 2022

Jekemenshik balabaqshalardyń 80%-y attestasııadan súrindi

33 ret kórsetildi

Bilim jáne ǵylym mınıstri Ashat Aımaǵambetov áleýmettik jelidegi paraqshasynda sońǵy 10 jylda jekemenshik balabaqshalar sany kúrt artqanyn jazdy, dep habarlaıdy Egemen.kz.

«10 jyldan astam ýaqyt buryn balabaqshalar sanynyń jyldam ósýin yntalandyrý úshin lısenzııalaýdan, keıin memlekettik baqylaýdan, monıtorıngten jáne olardyń qyzmetin retteýden bas tartý týraly sheshim qabyldandy. Ol qandaı nátıje berdi? Jekemenshik balabaqshalar sany kúrt artyp, 3 jastan 6 jasqa deıingi balalar birden 99%-ǵa deıin qamtyldy. Bul - jaqsy nátıje. Alaıda balabaqshalar sanyn kóbeıtýge múmkindik bolsa da, sapa máselesi baıaǵydaı ózekti bolyp qala beredi. Balabaqshalardyń jartysy tehnıkalyq jáne sanıtarlyq talaptarǵa saı kelmeıtin ǵımarattarda, bilikti mamandarsyz jáne qaýipti jaǵdaılarda ashylǵan. Mundaı faktiler jetkilikti», deı kele mınıstr 2 jyl buryn lısenzııalaý men memlekettik baqylaýdy qaıtarýǵa áreket jasalǵanyn aıtty.

Alaıda sol kezde kásipkerler palatasynyń, balabaqshalar qaýymdastyǵynyń jáne birqatar memlekettik organnyń ustanymy bul normany zańǵa engizýge múmkindik bermegen.

«Biz bul baǵytta jumysty toqtatpadyq. 2021 jyldyń sońynda memlekettik attestattaý júıesin engize aldyq. Attestasııa nátıjesi kóńilden shyqpady. Tekseristen ótken balabaqshalardyń 80%-y memlekettik attestasııadan óte almady. Áńgime balabaqshadaǵy búldirshinderge qolaıly jaǵdaı jasalmaýy, oqý-tárbıe jumystarynyń memlekettik bilim berý standartyna, qaýipsizdik tehnıkasy, órt jáne sanıtarlyq normalardyń talaptarǵa sáıkes kelmeýi, tárbıeshilerdiń qol kóterýi jáne basqa da keleńsiz faktiler týraly bolyp otyr», dep jazdy mınıstr.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar