Keshe, 1 maýsymda «Semeı ormany» MOTR aýmaǵynda Jańa-Semeı fılıaly, Podgorodnee ormanshylyǵy orman jabyny aımaǵynda (qaraǵaı) órt shyqty.
О́rtti sóndirýge oblystyq TJ departamentiniń, jergilikti atqarýshy organdardyń, áskerı bólimniń ormanshylary men kúshteri jumyldyryldy.
«Qazirgi ýaqytta órtpen arpalys jalǵasýda. Barlyǵy jeke quramnan 399 adam jáne 85 birlik tehnıka jumys istep jatyr. Semeı qalasynda órt qaýiptiliginiń 5 synyby jarııalanǵan», delingen habarlamada.
Boljam boıynsha órtke naızaǵaı sebep bolǵan. Qazir órt alańy anyqtalyp jatyr. Jaǵdaıdy áýeden baqylaý úshin «Qazavıaormanqorǵaý» «Mı-2» tikushaǵy tartyldy.
TJD aqparatynsha, qazir órttiń taralýy toqtatyldy. Orman ishi aımaǵynda jumystar júrgizilýde.
Eske sala keteıik, keshe Semeı mańyndaǵy qaraǵaıly ormannyń órtenip jatqanyn habarlaǵan edik.
