30 mamyr kúni áıel adamǵa bank qyzmetkeri retinde er adam qońyraý shalǵan. Alaıaq mundaı operasııa bank júıesinde qalypty ekenin aıtyp, shotty qaýipsizdendirý úshin telefonǵa kelgen SMS-habarlamadaǵy kodty aıtýyn suraıdy. Kodty alǵannan keıin alaıaq búkil aqshany jábirlenýshiniń kartasynan basqa banktik shotqa aýdaryp alǵan. Jalpy shyǵyn 22 mln teńgeden asty.
Qazirgi tańda atalǵan fakti boıynsha QR QK-niń 190-baby 3-bólimimen (Alaıaqtyq) sotqa deıingi tergeý bastaldy. Polıseıler kúdiktiniń jeke basyn anyqtaý maqsatynda is-sharalar júrgizip jatyr.
Aqtóbe oblysy Polısııa departamenti alaıaqtyq jaǵdaılarynyń aldyn alý úshin eshkimge, tipti bank qyzmetkerine de jeke shottary men kartalaryna qatysty SMS-kod jáne basqa da derbes aqparatty aıtýǵa bolmaıtynyn eskertedi.
Aıana Toǵanbek
