Aımaqtar • 05 Maýsym, 2022

Mańǵystaýda qorshaǵan ortany qorǵaý jónindegi halyqaralyq konferensııa ótti

51 ret kórsetildi

Búgin, 3 maýsym kúni Dúnıejúzilik qorshaǵan ortany qorǵaý kúni qarsańynda Qazaqstannyń iri kásiporyndary men halyqaralyq uıymdary Mańǵystaý oblysynda óndiris oryndarynan shyǵatyn kómirtegi mólsherin azaıtý joldaryn talqylady dep habarlaıdy Egemen.kz

Konferensııany QR Ekologııa, geologııa jáne tabıǵı resýrstar mınıstrligi BUU Damý baǵdarlamasynyń qoldaýymen uıymdastyrdy.

Is-sharaǵa Qazaqstan Respýblıkasy Ekologııa, geologııa jáne tabıǵı resýrstar mınıstri Serikqalı Brekeshev, Mańǵystaý oblysynyń ákimi Nurlan Noǵaev, BUUDB-nyń Qazaqstandaǵy Turaqty ókili Iаkýp Berısh, ónerkásip sektorynyń ókilderi, halyqaralyq jáne ulttyq sarapshylar qatysty.

Qatysýshylar energııa tıimdiligin arttyrý jáne qorshaǵan ortaǵa júktemeni azaıtý úshin ozyq tehnologııalyq sheshimdermen, sondaı-aq «jasyl» jobalardy iske asyrý aıasynda kómirtegi mólsherin azaıtý boıynsha qazirgi múmkindiktermen tanysty.

Sondaı-aq «NCOC», «Teńizshevroıl», «ERG», Pavlodar munaı-hımııa zaýyty sııaqty iri kásiporyndar ekologııalyq kórsetkishterdi jaqsartý tájirıbesin bólisti.

Sharada sóz alǵan QR Ekologııa, geologııa jáne tabıǵı resýrstar mınıstri Serikqalı Brekeshev qorshaǵan ortany qorǵaýda eń ozyq qoljetimdi tehnologııalardy qoldanýdyń mańyzdylyǵyna toqtaldy.

«О́tken jyly ýaqyt talaptary men halyqaralyq tájirıbeni eskere otyryp Ekologııalyq kodeks jańartyldy. Negizgi baǵyttardyń biri - eń ozyq qoljetimdi tehnologııalardy engizý, qorshaǵan orta sapasyn normalaýǵa baǵdar berý, úzdik halyqaralyq tájirıbeler negizinde ekologııalyq talaptardy qatańdatý. Búgingi tańda álemdik qoǵamdastyq eń ozyq qoljetimdi tehnologııalardy qoldanýdy negizge ala otyryp, qorshaǵan ortanyń lastanýyn bolǵyzbaý qaǵıdatyn ustanady», dedi S. Brekeshev. 

О́z kezeginde aımaq basshysy Nurlan Noǵaev talqylanǵan máselelerdiń óńir úshin mańyzdy ekenin atap ótti.

«Búgingi kezdesý jahandyq máselelerdi talqylaýǵa múmkindik berip otyr. Ekologııa bir qalypta turmaıtyny belgili. Tabıǵatty óz múmkindikterimizge paıdalanǵanymyzben, onyń tazalyǵyn saqtaý da biz úshin - úlken jaýapkershilik. Qorshaǵan ortany qorǵaý - árbirimizdiń basty mindetimiz. Sondyqtan osy konferensııadan kishkene de bolsa oı túıip, tájirıbe almassaq, osy otyrǵan jaýapty tulǵalardyń eńbeginiń esh ketpegeni. Búgingi aıtylǵan ozyq tájirıbeler - óńirimizdiń ekologııasyn saqtaýǵa mol múmkindik bermek», dedi Nurlan Noǵaev. 

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar