О́ńirlik kommýnıkasııalar qyzmetiniń málimetinshe, referendým komıssııasynyń shtabyna Teńiz ken ornynda vahtalyq jumysqa kelgen 10 myńǵa jýyq adamnan ótinish túsken. Qazir munda 19 kóshpeli beket ashyldy.
Mundaǵy jumysshylardyń arasynda elimizdiń birneshe óńirinen kelgender bar. Olardyń bir bóligi turǵylyqty tirkelgen meken-jaıyndaǵy ýchaskelik komıssııalarǵa júginip, esepten shyǵarý kýáligin ákelgen.
«Jylyoı aýdanyndaǵy Teńiz ken ornynda Qazaqstan Respýblıkasynyń Konstıtýsııasyna engiziletin ózgerister jónindegi respýblıkalyq referendýmǵa daıyndyq birneshe aptaǵa sozyldy. Referendým ýchaskeleri «Teńizshevroıl» kompanııasy men merdiger uıymdardyń vahtalyq qalashyqtarynda ornalasqan. Daýys berýdi uıymdastyrý úshin qajetti kólik quraldarymen qamtamasyz etilip, qaýipsizdik sharalary kúsheıtildi. Teńiz ken ornynan aýdan ortalyǵy – Qulsary qalasynan baqylaýshylar keldi», dep habarlady óńirlik kommýnıkasııalar qyzmeti.
