«Búgin biz jyldyń eń mańyzdy saıası oqıǵasynyń kýási bolyp otyrmyz. SIM óz ókilettikteri sheńberinde búginde Otanynan tys jerlerdegi qazaqstandyqtardyń óz saılaý quqyǵyn iske asyrýyna qajetti járdem kórsetedi. Sonymen qatar, SIM búgingi referendýmdaǵy daýys berý barysyn halyqaralyq baqylaýǵa jaǵdaı jasaıdy», dedi Syrtqy ister mınıstriniń orynbasary Roman Vasılenko.
Spıker 52 shet memlekette daýys berýge arnalǵan 65 ýchaske ashylǵanyn eske saldy.
Referendým ótkiziletin kúni sheteldegi daýys berýshilerdiń tizimine bizdiń 11 350 azamatymyz engizildi. Nur-sultan ýaqytymen 19:00-degi jaǵdaı boıynsha shetelde 5100-ge jýyq otandasymyz daýys berip úlgerdi, bul tıisti tizimderge engizilgen saılaýshylar sanynyń 45%-yn quraıdy», dedi Roman Vasılenko.
Onyń aıtýynsha, Azııada, Qytaı, Koreıa, Japonııa jáne basqa elderde ornalasqan ýchaskeler óz jumysyn aıaqtap, daýystardy sanaýǵa kiristi. Olardyń keıbireýlerine kelý 100% qurady.
Vashıngton, Nıý-Iork, Ottava jáne Brazılııa sııaqty qalalardaǵy ýchaskeler eki saǵat buryn ashyldy jáne áli toǵyz saǵat jumys isteıdi
«Daýys berý nátıjeleri shyǵarylǵannan keıin qorytyndy qujattardyń túpnusqalary keıinnen bizdiń sheteldegi barlyq referendým ýchaskelerimiz tirkelgen «Esil» aýdanynyń saılaý komıssııasyna berý úshin SIM-ge jedel jetkiziledi», dep qosty Roman Vasılenko.
