Tirkelgen 11,7 mıllıonǵa jýyq saılaýshy Ortalyq Azııadaǵy memlekettiń Konstıtýsııasyna engizilgen ózgerister men tolyqtyrýlardy maquldaıdy nemese maquldamaıdy. Bul el tarıhynda daýysqa salynǵan ekinshi konstıtýsııalyq reforma.
1995 jyly 30 tamyzda jalpyhalyqtyq daýys berý arqyly qabyldanǵan qazirgi Konstıtýsııanyń úshten bir bóligi ózgertiledi. Toqaevtyń 16 naýryzdaǵy halyqqa Joldaýynda aıtylǵan reforma elge basqarýdyń jańa úlgisin engizýdi jáne «Jańa Qazaqstan» nemese «Ekinshi respýblıka» dep atalatyn jańa dáýirdi bastaýdy kózdeıdi.
Qujatqa sáıkes, jańa Konstıtýsııada Qazaqstandaǵy jer, tabıǵı baılyq halyqtyń menshiginde ekeni anyq aıtylady. Sondaı-aq reformalar quqyq qorǵaý organdary men qarýly kúshterdiń basshylary men qyzmetkerlerine saıası partııalarǵa kirýge tyıym salady.
Taǵy bir mańyzdy ózgeris – Konstıtýsııalyq Keńesti reformalaý. Iаǵnı Konstıtýsııalyq Sot 2023 jyldyń 1 qańtarynan bastap jumys isteı bastaıdy. Parlament quzyreti keńeıedi. Al prezıdent ákimderdi taǵaıyndamas buryn jergilikti máslıhattyń maquldaýyn alýy kerek. Parlamentke Prezıdent taǵaıyndaıtyn depýtattardyń sany da túzetýler boıynsha 15-ten 10-ǵa deıin qysqarady, al zań qabyldaý quqyǵy tek tómengi palataǵa beriledi.
