«Munaı jáne gaz óndirýshi elderdiń ekonomıkasyn ártaraptandyrý munaı-hımııa ónerkásibin qurýǵa tikeleı baılanysty. Sol arqyly qosylǵan qun tizbegin uzartý álemdik úrdiske aınalyp otyr. Munaı-gaz-hımııa bóliginde búginde maılaý materıaldary, polıpropılen, metıl-tret-býtıl efıri, benzol jáne paraksılol óndirilýde. 2021 jyly Shymkent qalasynda qýaty 57 myń tonna oktan kúsheıtkish qospalaryn óndirý zaýyty iske qosyldy. Sondaı-aq Atyraý oblysyndaǵy arnaıy ekonomıkalyq aımaqtyń ınfraqurylymdyq nysandary tolyǵymen iske qosyldy», dedi vedomstvo basshysy.
Mınıstrdiń aıtýynsha, bul baǵytta taǵy birneshe joba qolǵa alynady.
«Sonymen qatar jylyna shamamen 1 mln tonna polıetılen shyǵaratyn, jylyna 1,25 mln tonna polıetılen tereftalat pen tereftalat qyshqylyn óndiretin jáne jylyna 186 myń tonna býtadıen óndiretin kásiporyndar qurý jobalary josparda bar», dedi mınıstr.
Sondaı-aq ol 180 kún ótken soń suıytylǵan gaz baǵasyn qalaı retteıtinin aıtty.
