Endi shtat bıligi salyq tóleýshilerdiń aqshasyna fermerlerdiń «sý quqyqtaryn» satyp alýǵa bel býyp otyr. Buǵan olar 1,5 mıllıard AQSh dollaryn jumsamaq. Eger sheneýnikter bul quqyqqa ıe bolsa, aǵyn sýdy únemdep qana qoımaı, sol ózen men aǵystardaǵy ósimdik pen balyq túrlerin de joıylyp ketý qaýpinen saqtaıdy.
Aıta keteıik, Kalıfornııa sońǵy jıyrma jylda qurǵaqshylyqqa ushyrady. Sondyqtan bul joba shtattyń kúrdeli sý júıesin jáne ony erekshe qurǵaq kezeńderde turaqty qamtamasyz etýge múmkindik beredi.
Derekterge súıensek, qazir shtattyń 98%-ǵa jýyǵy qatty qurǵaqshylyq jaǵdaıynda. О́ıtkeni Kalıfornııada jaz aılaryna jaýyn-shashyn óte sırek bolady. Mundaı kezeńderde kóptegen aýdandarda jergilikti bılik turǵyndardyń sýdy paıdalanýyna shekteý qoıady.
Zań boıynsha Kalıfornııadaǵy sý kózderi úkimettiń menshigi. Biraq fermerlerdiń aýyl sharýashylyǵyna sý alýǵa múmkindik beretin «Sý quqyǵy» bar. Fermerler bul quqyqty Kalıfornııanyń Ortalyq ańǵaryn kógaldandyrý jobasy aıasynda paıdalanady.
Gúldana Elýbaı
