Qoǵam • 06 Maýsym, 2022

Jumyssyzdyqty joıý úshin jumyldy

78 ret kórsetildi

Jastar qaýymyn jumyspen qamtý máselesi qashan da ózekti. Árıne, elimizde túrli sebepke baılanysty eki qolǵa bir kúrek taba almaı júrgen bozbala men boıjetken jetip artylady. Bul rette, naq osy salaǵa ja­ýapty tulǵalar qanaty qa­taıyp, býyny bekigen el azamattaryn eńbekpen qamtý isine mańyzdy mán berip jatqany anyq.

Máselen, kúni keshe Eńbek jáne halyqty áleýmettik qorǵaý mınıstri Tamara Dúısenova otandyq iri kompanııa ókilderimen júzdesip, jas­tardy jumyspen qamtý máselesin talqylady. Bul júzdesýge «Eýra­zııa­lyq top» JShS, «Samuryq-Qazyna» AQ, Respýblıkalyq taý-ken óndirý jáne taý-ken metallýrgııa kásiporyndary qaýymdastyǵy, «Polımetall Eýrazııa» JShS syndy iri otandyq kompanııalar men kásiporyndardyń ókilderi jáne ortalyq memlekettik organdardyń jetekshileri qatysty. Kezdesý barysynda taraptar Elektrondy eńbek bırjasyn damytý, onlaın bos oryndar jármeńkesi jáne jas­tardy jumyspen qamtý máselelerin talqylady.

Mınıstr ERG kompanııalar tobymen birlesip júzege asyrylǵan «Jas­tardy jumysqa ornalastyrý» jobasy jaqsy nátıje kórsetkenin atap ótti. Bıyl mamyr aıynda bas­talǵan joba tıimdiligin kórsetti. Kompanııa Elektrondy eńbek bırjasynda jastar úshin 395 bos jumys ornyn jarııalady. Sonyń negizinde bir apta ishinde 159 jas maman jumysqa ornalasty.

Tamara Dúısenova Elektron­dy eńbek bırjasynyń bir­qa­­tar ba­sym­dy­ǵ­yn atap ótti. Máselen, atalǵan resýrs barlyq qazaqstandyqtar úshin qoljetimdi (jumys izdeýshige de, jumys berýshige de) ári bos jumys ornyna mamandardy irikteý múmkindigi barynsha ashyq (jumys izdeýshiniń turatyn jeri mańyzdy emes). Buǵan qosa, mınıstr ár aıdyń 24-30 kúnderi aralyǵynda Elektrondy eńbek bırjasynyń bazasynda onlaın bos jumys oryndar jármeńkesin turaqty túrde ótkizý josparlanǵanyn jetkizdi.

«Eýrazııalyq Top» JShS bas­qarma tóraǵasy Serik Shahajanov ta platformanyń múmkindigi mol ekenine toqtaldy. Ol platforma jas mamandardy irikteýge, sol arqyly pýl qalyptastyrýǵa, olardy keıin daıar­lyqtan ótkizip, biliktiligin art­tyrýǵa múmkindik beretinin atap ótti. «Jyl sońyna deıin ERG kásip­oryndarynda taǵy 2 myńǵa jýyq jumys ornyn ashý josparlanyp otyr. Sonyń 500-i eki joba aıasynda ashylady. Budan bólek, jas mamandarǵa arnalǵan turǵyn úı baǵdarlamasyn jandandyrý josparda bar», dedi S.Shahajanov.

Bilim jáne ǵylym birinshi vıse-mınıstri Sholpan Qarınova joǵary oqý oryndarynyń, kolledjderdiń mansaptyq ortalyqtary men jumys berýshiler arasynda seriktestik ornatýǵa múmkindigi bar ekenin atap ótti. Iаǵnı taraptar jas mamandardy daıarlaý, olardy jumys ornynda oqytý máseleleri boıynsha birlese otyryp jumys isteı alady.

Keńeske qatysýshylar Elektron­dy eńbek bırjasy jobasyn qoldap, onyń tıimdiligin atap ótti. Sondaı-aq aldaǵy ýaqytta birlesip jumys is­teýge daıyn ekenderin jetkizdi. Elek­trondy eńbek bırjasy jáne onyń bazasynda turaqty túrde ótkiziletin onlaın bos jumys oryndar jármeńkesi jumys izdeýshiler men jumys berýshiler úshin eńbek naryǵynyń ashyqtyǵy men qol­jetimdiligin qamtamasyz etýdiń ma­ńyzdy quralyna aınalady.

Sońǵy jańalyqtar

Muz qursanǵan Ekibastuz

Aımaqtar • Búgin, 21:12

Úmit sáýlesi

Saıasat • Búgin, 21:11

Ult saýlyǵy – uly baılyq

Saıasat • Búgin, 21:09

Sábıdiń ómirin saqtap qaldy

Aımaqtar • Búgin, 21:02

Qataıǵan júrekti jibitetin eriktiler

Aımaqtar • Búgin, 21:01

Teatr baǵytyn talǵam anyqtaıdy

Teatr • Búgin, 20:59

Túrlengen temekiniń bári zııan

Medısına • Búgin, 20:58

MÁMS: Baıbalam salýdyń qajeti joq

Suhbat • Búgin, 20:55

Sańlaqtyń sońǵy samǵaýy

Qazaqstan • Búgin, 20:50

Kitap kókjıegi keńeıip keledi

Rýhanııat • Búgin, 20:41

Álem chempıonaty: Derek pen dáıek

Fýtbol • Búgin, 20:37

«Nemis máshınesi» jolda qaldy

Fýtbol • Búgin, 20:36

Stýdenttik teatr festıvali

Teatr • Búgin, 20:34

«Kúmbirle kúıim, elimde!»

Aımaqtar • Búgin, 20:28

Túrkistanda 200-deı úı jylýsyz qaldy

Aımaqtar • Búgin, 18:15

Uqsas jańalyqtar