Aımaqtar • 07 Maýsym, 2022

Túrkistanda zańsyz jumys istegen sheteldikter anyqtaldy

38 ret kórsetildi

Túrkistan oblysynda zańsyz jumys istep júrgen 38 sheteldik elden alastatyldy, dep habarlaıdy Egemen.kz polisia.kz saıtyna silteme jasap.

Oblys aýmaǵynda júrgen sheteldikter jáne azamattyǵy joq adamdardyń kóshi-qon salasyndaǵy zańnamany saqtalýy qatań qadaǵalaýǵa alynǵan. Osyndaı kezekti tekseris kezinde tártip saqshylary Qaınar aýylynyń ońtústik betkeıinde ornalasqan taýyq fermasynyń aýmaǵynda tıisti qujattary bolmaǵan Tájikstan Respýblıkasynyń 38 azamatyn anyqtady. Tekserý barysynda atalǵan fermanyń egesi sheteldikterdi Arys aýdany aýmaǵynda keýrek ósimdigin terý úshin alyp kelip, osynda jumys kútip jatqandyǵy belgili boldy.

Qazaqstandyq sharýashylyq egesine qatysty QR ÁQBtK-niń 518-babynyń 2-bóligimen (Sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) ákimshilik hattama toltyryldy. Sonymen qatar Tájikstan Respýblıkasynyń 38 azamatyna qatysty QR ÁQBtK-niń 517-babynyń 5-bóligi (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qon salasyndaǵy zańnamasyn buzýy) boıynsha ákimshilik hattama toltyrylyp, is-qujattar sotqa joldandy. Ordabasy aýdandyq sotynyń sheshimine sáıkes, bul sheteldikterdiń barlyǵy QR aýmaǵynan shettetildi.

Saltanat Kenjebaı

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar