1 maýsymda О́skemende kóshi-qon qyzmetkerleri qos azamattyq alǵan áıeldi anyqtaǵan. 64 jastaǵy áıel 17 jyldan beri kórshi el azamaty bola tura, Qazaqstanda turyp, 5 jyl boıy zeınetaqy alyp júrgen.
«Qazaqstandyq qujattardy paıdalanǵany úshin QR ÁQBK-niń 496-baby boıynsha 100 AEK somasynda aıyppul túrinde ákimshilik jaýapkershilikke tartyldy. Qazir qazaqstandyq qujattar tárkilenip, azamattyǵynan aıyryldy jáne zańsyz alynǵan aqsha qarajatyn qaıtarý máselesi qarastyrylyp jatyr», dedi ShQO PD bastyǵynyń birinshi orynbasary Eldos Zakımov.
Aıta keteıik, jyl basynan beri ShQO aýmaǵynan qos azamattyǵy bar 35-ten asa adam anyqtalǵan. ShQO PD kóshi-qon qyzmeti Konstıtýsııaǵa sáıkes elimizde qos azamattyqqa jol berilmeıtinin eske salyp, zańnamany saqtaýǵa shaqyrdy.
