Murat О́nál: Qazaqstannyń qujatyn tezirek alǵym keledi (vıdeo)

Túrkııada týyp-ósken qandasymyz Murat О́nál bıylǵy maýsymnan bastap Shymkenttiń "Qyran" komandasynda oınap júr. Ol buǵan deıin Gollandııanyń birinshi lıgadaǵy "Volendam" komandasynda oınaǵan. Ol - syrttan kelgen tuńǵysh qazaq legıner. Jasy 24-te. 6 jasynan bastap fýtbol oınaıdy. Biz ony "Shymkent" qonaqúıine arnaıy izdep bardyq. Erteńine oıyn ekenine qaramastan, Murat bizben áńgimelesýge kelisim berdi. Ol Túrkııada óskendikten túrikshe taza biledi eken, qazaqsha endi úırenip júr. Qazaqstan qatty áser etkeni ár sózinen bilinedi. "Gollandııada qazaq kórip qalsam, 2-3 kún jibermeı, qydyrtyp, qonaq qylatyn edim, mynda qazaq kóp" ,- deıdi kúlip. Buıyrtsa, osynda áke-sheshesin alyp kelip, Qazaqstandy kórsetsetetinin, eger olar kelisse osynda kóshirip alyp keletinin de aıtyp ótti sóz arasynda. Júregi qazaq dep soǵyp tur. "Qazaqtardyń darhan kóńilin ár qazaqtan baıqaımyn, endigi másele - qujat alý. Qazaqstan azamaty bolsam" ,- degen armanyn aıta otyryp, jaqynda osy máselemen qala ákimine kiretinin aıtty. Danııar Alan