«Jasaǵan erligiń úshin II dárejeli «Aıbyn» ordenimen nagradtaldyń. Sol nagradańdy mınıstrdiń tapsyrmasymen ózińniń kókiregińe ilýge kelip otyrmyn, Arhat batyr», dedi vıse-mınıstr.
Eske salaıyq, Nur-Sultan qalasy PD Mamandandyrylǵan patrýldik polısııa batalonynyń qyzmet aǵa ınspektory ótken jyldyń jeltoqsan aıynda asqan erlik kórsetip, jol qaýipsizdigin saqtap qalǵan bolatyn. Ol elordanyń Qoshqarbaev kóshesinde erejeni óreskel buzyp, apatty jaǵdaı týdyryp kele jatqan júk kóligin baıqaıdy. Er adam tártip saqshysynyń talaptaryna baǵynbaı, qozǵalysyn jalǵastyrmaq bolady. Qaıǵyly jaǵdaıdyń aldyn almaq bolǵan Arhat sol sátte aýyr jaraqat alady.
Polısııa kapıtanyna eki ret ota jasalǵan. Komada bolǵan jigit búginde esin jıǵan. Biraq ol ary qaraı da emin jalǵastyrady.
«Mektepti «altyn belgige» bitirdi. Odan keıin Eýrazııa ulttyq ýnıversıtetine tústi. Sol ýnıversıtetti de jaqsy támamdady. Odan keıin akademııasyn oqydy. О́ziniń armany bolatyn. Jumysqa ornalasty. Endi sol armanyna jetti dep otyr edik… Polısııa jumysy – óte aýyr jumys. Eldiń amandyǵyn oılaıtyn jumys qoı. Barlyǵy balańyz erlik jasady dep jazyp jatyr. Balamnyń erlik jasaǵanyna qýanamyn. El azamaty bolǵanyna qýanamyn», dedi Arhattyń anasy Alma Rakısheva.
