Gollıvýd qaharmany qazaq tilinde sóıleıdi

«Nur Otan» par­tııa­synyń qoldaýymen Astanadaǵy «Kerýen» saýda úıiniń kınozalynda «О́rmekshi-adam: Kernegen qýat» fılminiń aldyn ala kórsetilimi uıymdastyryldy. Memlekettik tildi qoldaý maqsatynda «Bolashaq» qaýym­dastyǵy tórt jyldan beri reı­tıngisi joǵary, kópshiliktiń suranysyna ıe tanymal fılm­derdiń qazaqsha dýblıajyn jasaýmen aınalysyp keledi. Buǵan deıin prokatqa shyqqan «Kólikter-2», «Qara kıimdiler-3», «Batyl júrek», «Jańa órmekshi adam», «Monstrlar ýnıversıteti», «Jalǵyz reındjer» fılmderi sonyń aıǵaǵy. Bul jyly gollıvýdtyq fılm­­­derge dýblıaj jasaý «Jas­­­­tar – Otanǵa» jobasy aıa­­syn­da uıymdastyryldy. Jo­ba­­nyń maqsaty tek fılm­derdi qa­zaq­shalaý emes. Onyń sheń­berinde «Aıtys», «Búr­kitshiler fes­tıvali», «Kókpar», «Qazaqsha kú­res» jobalary da júzege asqa­nyn aıta ketken jón. Al endi fılmge oralar bolsaq, aǵymdaǵy jyly «Jańa О́rmekshi-adam: Kernegen qýat» fılminiń keıipkerleri aǵylshyn, fransýz, ıspan, nemis, portýgal jáne orys tilderine qosa, qazaq tilinde sóıleıtini óz aldyna, AQSh-taǵy negizgi tusaýkeserden 10 kún buryn otandyq ekrandarǵa shyǵyp qoıady. Bul týraly «Kerýende» uıymdastyrylǵan aldyn ala kórsetilimde «Nur Otan» partııasy Tóraǵasynyń birinshi orynbasary Baýyrjan Baıbek málimdedi. Onyń aıtýynsha, 50 jyldan keıin úlken ekranǵa 3D formatynda qaıta oralǵan alǵashqy «Jańa О́rmekshi-adam» fılminiń álemdik kassalyq jınalymy óz bıýdjetinen úsh esege asyp túsken. Iаǵnı, fılm 230 mıllıon dollarǵa túsirilgen bolsa, jınalymy 752 mıllıon dollarǵa jetken. Al, qazirgi «Jańa О́rmekshi-adam: Kernegen qýat» fılmin túsirýge 200 mıllıon dollar jumsalǵan. Onyń ishinde eń joǵary halyqaralyq standarttarǵa sáıkes qazaqsha jasalǵan dýblıajdyń quny 80 myń AQSh dollary bolǵan. Bul jerde atap óter mańyzdy jaǵdaı – «Altyn Qyran» qaıyrymdylyq qorynyń osymen tórtinshi jyl qatarynan fılmderdi qazaq ti­line aýdarýda qarjylyq kó­mek kórsetýi. Ásirese, jas­tar ara­syn­da qazaq tilindegi or­ta qa­lyp­tastyrý maqsatynda dýb­lıaj­­dalǵan jańa fılmniń de qar­­­­­­jylaı qoldaýshysy osy kompanııa. Gollıvýdtyq fılmderdi mem­lekettik tilge dýblıajdaý jobasy aıasynda qazaq tiline aýdarylǵan «Jańa О́rmekshi-adam: Kernegen qýat» fılminiń saýndtrekin tanymal reper Bas­ta jazǵan. «Sýpergeroı» saýnd­tregi fılmniń qazaq jáne orys tilderindegi tıtr­larynda oınalatyn bolady. Fılmdi dýb­lıajdaý jumysy ótken jyldyń qarasha aıynda bastalǵan. Basty keıipkerlerdi О́rmekshi-adam týraly alǵashqy fılmniń dýblıajyn jasaǵan Mereı Ájibekov (О́rmekshi-adam), Álıma Qaıyr­bekova (Gven Steısı), Tynysh­gúl Sultanberdıeva (Tetıa Meı) somdaıdy. Sondaı-aq, fılm­degi basty jaǵymsyz keıipker – Elektrony somdaǵan Azamat Qanapııa budan burynǵy joba­lardaǵy daýysy úshin Ýolt Dıs­neı tarapynan úzdik dep ta­nylǵanyn da aıta ketý kerek. Aıgúl SEIILOVA, «Egemen Qazaqstan».