Áýezov stelasy jazýshy atyndaǵy kóshe merekesinde ashyldy

О́skemendikter qazaqtyń uly perzenti, jazýshy Muhtar Áýe­zov atyndaǵy kóshe kúnin erekshe atap ótti. Jalpy, sońǵy kezde oblys ortalyǵynda kóshe kún­derin ótkizý dástúrge aınala bastady. Mysaly, jýyrda Q.Qaısenov, Iý.Gagarın atyndaǵy dańǵyldardyń merekesi ótkizilse, bul joly áıgili jazýshy atyndaǵy dańǵyl boıynda merekelik is-sharalar uıymdastyryldy. Atalǵan sharaǵa óńir basshysy Berdibek Saparbaev, jazýshynyń uly, belgili qoǵam qaıratkeri Murat Áýezov, qalamgerdiń jıeni, Almatydaǵy «Áýezov» murajaı-úıiniń dırektory Dıar Qonaev, M.Áýezov atyndaǵy ádebıet jáne óner ınstıtýtynyń dırektory Ýálıhan Qalıjan qatysty. Senbi kúni ótken merekede aldymen Áýezov dańǵylynyń Táýelsizdik kóshesimen qıyly­satyn tusynda Muhtar Áýezovke arnalǵan stela ashyldy. Aıta ketken lázim, 1997 jyly qyrkúıek aıynda О́skemendegi burynǵy «Krasnyı Oktıabrsk» kóshesi jazý­shynyń 100 jyldyq mereıtoıyna oraı Muhtar Áýezov dańǵyly bolyp bekitilgen edi. Bul – qaladaǵy ortalyq kóshelerdiń biri. О́ńir basshysy Berdibek Sapar­baev barlyq býynnyń Muhtar Áýezov shyǵarmalaryn oqyp, jazýshynyń qunarly tili men baı murasynan nár alý arqyly rýhanı tanymy men biligin qalyp­tastyryp kele jatqanyn erekshe atap ótti. – Qalamyzda kóshe kún­de­ri jalǵasyp jatyr. Biz­diń maq­satymyz – kóshe turǵyndary­nyń ózderiniń qandaı kóshede turatynyn bilip júrýine, sol arqyly bir-birimen dostyq baılanysyn nyǵaıta túsýine jáne elimizde turaqtylyqty saqtaýyna septesý. Keleshek urpaq búgingi sharadan úlken taǵylym alady, – dedi óńir basshysy. Meımandar men jurtshylyq kóshe boıynda qalalyq jas tehnıkter stansasy, oqýshylardyń shyǵarmashylyq úıi jáne qala kitaphanalary men qolónershileri uıymdastyrǵan kórmeni tamashalady. О́ńirdiń óner ujymdary daıarlaǵan konsert te turǵyndarǵa jaqsy kóńil-kúı syılady. Baǵ­darlamaǵa Semeı qalasynyń Abaı atyndaǵy drama teatry men Abaı aýdanynyń «Qalamqas» halyqtyq ansambliniń ujymdary aıryqsha atsalysyp, jazýshy dramatýrgııa­synan túrli qoıylymdar qoıdy. Sondaı-aq, oblys ortaly­ǵyn­daǵy iri saýda keshenderi Muh­tar Áýezov kóshesiniń kúnine oraı 15-20 paıyz jeńildikter jasasa, kóshede ornalasqan alyp led-ekranda qalamgerdiń ómiri men shyǵarmashylyǵyna arnal­ǵan «Degdar» derekti fılmi kórse­tildi. Veloshabandozdardyń, kar­tın­gshilerdiń jarysy da kóshe merekesin aıshyqtaı tústi. – О́skemenge jıi kelip, túrli is-sharalardyń kýási bolyp júrmin. Mine, endi ákemniń atyndaǵy dańǵyldyń tól merekesin atap ótip jatyrmyz. Bul – men úshin úlken qýanysh. Sońǵy eki kún qatarynan О́skemendegi joǵary jáne orta oqý oryndarynda, kitaphanalarda kezdesýler ótkizdim. Baıqaǵanym, oblys ortalyǵynyń mádenı ómi­rinde tyń ózgerister oryn alyp jatyr. Árıne, shyǵys óńiri Semeı, Shyńǵystaý sııaqty qasıetti jerlerimen de tarıhı tamyryn tereńge jaıǵan el. Osy rýhanı dúnıemizdi kún ótken saıyn jańǵyrtyp jatqan shyǵysqazaqstandyqtarǵa úlken rahmet! Abaı, Shákárim, Muhtar sııaqty alyptar – adamzatqa or­taq. Sondyqtan, olar rýhanı jáne áleýmettik salalarda durys baǵyt tabýymyzǵa baǵdar bolady. Aldaǵy ýaqytta da alash azamattaryna laıyq qurmet kórsetile beredi dep oılaımyn, – dedi Murat Áýezov. Zańǵar jazýshynyń esimi berilgen ádebıet pen óner ınstı­týtynyń jetekshisi Ýálıhan Qalıjan Muhtar Áýezovtiń ómiri men shyǵarmashylyǵy týraly tushymdy baıandama jasap, onyń qıly taǵdyryndaǵy qundy derektermen bólisti. Semeıdegi M.Áýezov atyndaǵy pedagogıkalyq kolledj dırektory Shaǵangúl Janaeva 1912-1919 jyldary M.Áýezov, J.Aı­maýytov, Q.Sátbaev oqyǵan oqý ǵımaratynyń búginge deıin saq­talǵanyn, sol kezdegi muǵalimder semınarııasynyń búginde zamanaýı bilim berý oshaǵyna aınalyp, kolledj atanǵanyn jetkizdi. 1962 jyly atalǵan oqý ornyna áıgili jazýshynyń esimi berilgen. Zańǵar jazýshy semınarııada oqyp júrgen shaǵynda alǵashqy tyrnaqaldy týyndysy «Eńlik-Kebek» dramasyn jazǵan. Oqý orny qabyrǵasynda J.Aımaýytov ekeýi «Abaı» jýrnalyn shyǵardy. Jazýshy ómirindegi osyndaı úlken isterdiń bastaýynda bolǵan semınarııa tarıhynan syr shertetin kórmeni Semeıdiń M.Áýezov atyndaǵy pedagogıkalyq kolledji usyndy. Beıneleý óneri jáne syzý fakýlteti stýdentteriniń sheber qolynan shyqqan semınarııa ǵımaraty men Muhańnyń Bórilidegi týǵan úıiniń maketteri, qazir Alash murajaıyna aınalǵan Semeıdegi Ánııar Moldabaevtyń úıi jáne taǵy basqa jazýshy ómirine qatysty tarıhı oryndar beınelengen kenep kartınalar da jurtshylyq nazaryn aýdardy. Dýman ANASh, «Egemen Qazaqstan». О́SKEMEN.